ਅੰਬਾਲਾ, 20 ਮਾਰਚ 2026 : ਹਰਿਆਣਾ (Haryana) ਦੇ ਸ਼ਹਿਰ ਅੰਬਾਲਾ ਦੀ ਪੁਲਸ ਟੀਮ ਵਲੋਂ ਇਕ ਟਰੱਕ ਵਿਚੋਂ ਸ਼ਰਾਬ ਦੇ ਡੱਬੇ ਹੀ ਡੱਬੇ ਬਰਾਮਦ ਕੀਤੇ ਜਾਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ ।
ਕਿੰਨੇ ਡੱਬੇ ਹੋਏ ਹਨ ਬਰਾਮਦ
ਮਿਲੀ ਜਾਣਕਾਰੀ ਅਨੁਸਾਰ ਹਰਿਆਣਾ ਦੇ ਸ਼ਹਿਰ ਅੰਬਾਲਾ (Ambala) ਦੀ ਮਹੇਸ਼ ਨਗਰ ਪੁਲਸ ਨੇ ਸ਼ਰਾਬ ਨਾਲ ਭਰਿਆ ਇੱਕ ਟਰੱਕ ਫੜਿਆ (Truck caught) ਹੈ, ਜਿਸ ਵਿਚੋਂ ਰਾਇਲ ਚੈਲੇਂਜ ਬ੍ਰਾਂਡ ਪੰਜਾਬ ਸਿਵਲ ਸਲਿੱਪਾਂ ਵਾਲੇ ਡੱਬੇ ਮਿਲੇ ਹਨ । ਜਿਸ ਟਰੱਕ ਵਿਚੋਂ ਸ਼ਰਾਬ ਦੇ ਡੱਬੇ ਮਿਲੇ ਹਨ ਨੂੰ ਹਾਲ ਦੀ ਘੜੀ ਪੁਲਸ ਨੇ ਆਪਣੇ ਕਬਜ਼ੇ ਵਿੱਚ ਲੈ ਲਿਆ ਹੈ ਅਤੇ ਸ਼ਰਾਬ ਦੇ ਡੱਬਿਆਂ ਦੀ ਗਿਣਤੀ ਕੀਤੀ, ਜਿਸ ਵਿੱਚ ਲਗਭਗ 1150 ਡੱਬੇ ਸ਼ਰਾਬ (1150 cans of liquor) ਮਿਲੀ ।
ਕੀ ਦੱਸਿਆ ਐਸ. ਐਚ. ਓ. ਨੇ
ਇਸ ਬਾਰੇ ਜਾਣਕਾਰੀ ਦਿੰਦਿਆਂ ਮਹੇਸ਼ ਨਗਰ ਪੁਲਸ ਸਟੇਸ਼ਨ ਦੇ ਐਸ. ਐਚ. ਓ. ਜਤਿੰਦਰ ਢਿੱਲੋਂ (S. H. O. Jatinder Dhillon) ਨੇ ਦੱਸਿਆ ਕਿ ਉਨ੍ਹਾਂ ਨੂੰ ਗੁਪਤ ਸੂਚਨਾ ਮਿਲੀ ਸੀ ਕਿ ਐਮ. ਪੀ. ਨੰਬਰ ਵਾਲਾ ਇੱਕ ਟਰੱਕ ਹੈ, ਜੋ ਗੈਰ-ਕਾਨੂੰਨੀ ਸ਼ਰਾਬ ਲੈ ਕੇ ਜਾ ਰਿਹਾ ਹੈ । ਇਸ ਤੋਂ ਬਾਅਦ ਖੱਡਾ ਖੁਰਦ ਦੇ ਨੇੜੇ ਇੱਕ ਚੈੱਕ ਪੋਸਟ ਸਥਾਪਤ ਕੀਤੀ ਗਈ ਅਤੇ ਟਰੱਕ ਨੂੰ ਰੋਕਿਆ ਗਿਆ ।
ਜਾਂਚ ਕਰਨ ਤੇ ਟਰੱਕ ਵਿਚੋਂ ਮਿਲੀ ਗੈਰ-ਕਾਨੂੰਨੀ ਸ਼ਰਾਬ
ਡਰਾਈਵਰ ਤੋਂ ਪੁੱਛਗਿੱਛ ਕੀਤੀ ਗਈ ਪਰ ਡਰਾਈਵਰ ਇਸ ਬਾਰੇ ਦੱਸਣ ਵਿੱਚ ਅਸਮਰੱਥ ਰਿਹਾ । ਇਸ ਤੋਂ ਬਾਅਦ ਟਰੱਕ ਦੀ ਜਾਂਚ ਕੀਤੀ ਗਈ, ਤਾਂ ਇਹ ਲਗਭਗ 1150 ਡੱਬੇ ਗੈਰ-ਕਾਨੂੰਨੀ ਸ਼ਰਾਬ (Illegal alcohol) ਨਾਲ ਭਰਿਆ ਹੋਇਆ ਪਾਇਆ ਗਿਆ । ਸ਼ੁਰੂਆਤੀ ਜਾਂਚ ਵਿੱਚ ਡਰਾਈਵਰ ਨੇ ਦੱਸਿਆ ਕਿ ਟਰੱਕ ਪੰਜਾਬ ਤੋਂ ਉੜੀਸਾ ਜਾ ਰਿਹਾ ਸੀ, ਦੋ ਬ੍ਰਾਂਡਾਂ ਦੀ ਸ਼ਰਾਬ ਜ਼ਬਤ ਕੀਤੀ ਗਈ ਹੈ, ਜਿਸ ਵਿੱਚ ਇੱਕ ਰਾਇਲ ਚੈਲੇਂਜ ਹੈ ਅਤੇ ਦੂਜਾ ਰਾਇਲ ਸਟੈਗ ਹੈ ।
