ਲੜਕੇ ਨੂੰ ਮਾਰ ਦੇਣ ਦੀ ਨੀਅਤ ਨਾਲ ਅਗਵਾ ਕਰਨ ਤੇ ਕੇਸ ਦਰਜ

ਪਟਿਆਲਾ, 10 ਜੁਲਾਈ 2025 : ਥਾਣਾ ਪਸਿਆਣਾ (Police Station Pasiana) ਪੁਲਸ ਨੇ ਅਣਪਛਾਤੇ ਵਿਅਕਤੀਆਂ ਵਿਰੁੱਧ ਵੱਖ-ਵੱਖ ਧਾਰਾਵਾਂ 140 (1), 3 (5) ਬੀ. ਐਨ. ਐਸ. ਤਹਿਤ ਲੜਕੇ ਨੂੰ ਸੱਟਾਂ ਮਾਰ ਕੇ ਮਾਰ ਦੇਣ (To kill by stabbing) ਦੀ ਨੀਅਤ ਨਾਲ ਅਗਵਾ ਕਰਨ ਤੇ ਅਣਪਛਾਤਿਆਂ ਵਿਰੁੱਧ ਕੇਸ ਦਰਜ ਕੀਤਾ ਹੈ ।

ਪੁਲਸ ਨੂੰ ਦਿੱਤੀ ਸਿ਼ਕਾਇਤ ਵਿਚ ਕੀ ਦੱਸਿਆ ਸਿ਼ਕਾਇਤਕਰਤਾ ਨੇ

ਪੁਲਸ ਨੂੰ ਦਿੱਤੀ ਸਿ਼ਕਾਇਤ ਵਿਚ ਸਿ਼ਕਾਇਤਕਰਤਾ (Complainant) ਕਰਨੈਲ ਸਿੰਘ ਪੁੱਤਰ ਜੰਗੀਰ ਸਿੰਘ ਵਾਸੀ ਪਿੰਡ ਅਜੀਤ ਨਗਰ ਕਮਾਸਪੁਰ ਰੋਡ ਸਮਾਣਾ ਨੇ ਦੱਸਿਆ ਕਿ ਉਨ੍ਹਾਂ ਦਾ ਲੜਕਾ ਸਤਿੰਦਰ ਸਿੰਘ ਜੋ ਕਿ 31 ਸਾਲਾਂ ਦਾ ਹੈ ਪੰਜਾਬ ਪੁਲਿਸ ਵਿੱਚ ਮੋਹਾਲੀ ਵਿਖੇ ਡਿਊਟੀ ਕਰਦਾ ਹੈ ਤੇ 8 ਜੁਲਾਈ 25 ਨੂੰ 9 ਪੀ. ਐਮ. ਤੇ ਫੋਨ ਤੇ ਉਸਦੀ ਪਤਨੀ ਨਵਜੀਤ ਕੌਰ ਨੇ ਜਦੋ ਂ ਘਰ ਆਉਣ ਸਬੰਧੀ ਪੁਛਿਆ ਤਾਂ ਉਸਨੇ ਕਿਹਾ ਕਿ ਉਹ ਮੋਹਾਲੀ ਤੋਂ ਘਰ ਆਉਣ ਲਈ ਚੱਲ ਪਿਆ ਹੈ ਤੇ ਜਦੋਂ ਸਮਾਂ 11.20 ਪੀ. ਐਮ. ਤੇ ਸਤਿੰਦਰ ਸਿੰਘ ਨੂੰ ਦੁਬਾਰਾ ਕਾਲ ਕੀਤੀ ਗਈ ਤਾਂ ਉਸਦਾ ਫੋਨ ਬੰਦ ਆ ਰਿਹਾ ਸੀ ।

ਸਿ਼ਕਾਇਤਕਰਤਾ ਨੇ ਦੱਸਿਆ ਕਿ ਜਿਸ ਤੇ ਉਹ ਆਪਣੇ ਪਰਿਵਾਰਿਕ ਮੈਬਰਾਂ ਸਮੇਤ ਆਪਣੇ ਲੜਕੇ ਦੀ ਭਾਲ ਲਈ ਚਲਿਆ ਗਿਆ ਤਾਂ ਜਦੋਂ ਰਾਤ ਦੇ ਇਕ ਬੱਸ ਅੱਡਾ ਭਾਨਰਾ ਪੁੱਜੇ ਤਾਂ ਸਤਿੰਦਰ ਸਿੰਘ ਦੀ ਕਾਰ ਖੜ੍ਹੀ ਸੀ ਪਰ ਸਤਿੰਦਰ ਸਿੰਘ ਕਾਰ ਵਿੱਚ ਮੌਜੂਦ ਨਹੀਂ ਸੀ ਪਰ ਉਸਦੀ ਕਾਰ ਵਿੱਚ ਕਾਫੀ ਖੂਨ ਡੁੱਲਿਆ ਪਿਆ ਸੀ। ਜਿਸਦੀ ਕਾਫੀ ਭਾਲ ਕੀਤੀ ਗਈ ਤਾਂ ਸਤਿੰਦਰ ਸਿੰਘ ਬਾਰੇ ਕੁੱਝ ਪਤਾ ਨਹੀ ਲੱਗਿਆ, ਜਿਸ ਤ ਉਨ੍ਹਾਂ ਯਕੀਨ ਪ੍ਰਗਟ ਕੀਤਾ ਕਿ ਅਣਪਛਾਤੇ ਵਿਅਕਤੀਆਂ ਨੇ ਉਸਦੇ ਲੜਕੇ ਨੂੰ ਸੱਟਾਂ ਮਾਰ ਕੇ ਮਾਰ ਦੇਣ ਦੀ ਨੀਅਤ ਨਾਲ ਅਗਵਾ (Kidnapping) ਕਰ ਲਿਆ ਹੈ । ਪੁਲਸ ਨੇ ਕੇਸ ਦਰਜ (Case registered) ਕਰਕੇ ਅਗਲੇਰੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ ।