ਜਲੰਧਰ, 1 ਜਨਵਰੀ 2026 : ਪੰਜਾਬ ਦੇ ਸ਼ਹਿਰ ਜਲੰਧਰ (Jalandhar) ਵਿੱਚ ਸਿ਼ਵ ਸੈਨਾ ਦੇ ਉੱਤਰ ਭਾਰਤ ਮੁਖੀ ਦੀ 22 ਸਾਲਾ ਧੀ ਦੀ ਬਾਥਰੂਮ ਗੀਜ਼ਰ ਵਿੱਚ ਲੀਕ (Leak in the geyser) ਹੋਣ ਨਾਲ ਮੌਤ (Death)ਹੋ ਗਈ ਹੈ ।
ਦਰਵਾਜਾ ਤੋੜ ਕੇ ਕੱਢਿਆ ਗਿਆ ਲੜਕੀ ਨੂੰ
ਲੜਕੀ ਦੇ ਬਾਥਰੂਮ ਵਿਚੋਂ ਕਾਫੀ ਸਮੇਂ ਤੋਂ ਬਾਹਰ ਨਾ ਆਉਣ ਦੇ ਚਲਦਿਆਂ ਜਦੋਂ ਪਰਿਵਾਰਕ ਮੈਂਬਰਾਂ ਨੇ ਦਰਵਾਜ਼ਾ ਖੜ੍ਹਕਾਇਆ ਤਾਂ ਕੋਈ ਥਹੁ ਪਤਾ ਨਾ ਚੱਲਣ ਤੇ ਦਰਵਾਜ਼ਾ ਤੋੜ ਦਿੱਤਾ ਗਿਆ ਅਤੇ ਉਸਨੂੰ ਬਚਾ ਲਿਆ ਗਿਆ । ਲੜਕੀ ਦੇ ਗੀਜਰ ਲੀਕ ਹੋਣ ਕਾਰਨ ਹੋਈ ਮੌਤ ਨੇ ਪੂਰੇ ਪਰਿਵਾਰ ਨੂੰ ਸੋਗ ਵਿੱਚ ਡੁੱਬੋ ਦਿੱਤਾ ਹੈ। ਜਾਣਕਾਰੀ ਮੁਤਾਬਕ ਲੜਕੀ ਦੇ ਜਨਮ ਦਿਨ ਦੀਆਂ ਤਿਆਰੀਆਂ ਕੁਝ ਪਲ ਪਹਿਲਾਂ ਹੀ ਚੱਲ ਰਹੀਆਂ ਸਨ।
ਕੌਣ ਹੈ ਇਹ ਲੜਕੀ
ਬਾਥਰੂਮ ਵਿਚ ਗੀਜ਼ਰ ਗੈਸ ਲੀਕ ਹੋਣ ਕਾਰਨ ਜਿਸ ਲੜਕੀ ਦੀ ਮੌਤ ਹੋ ਗਈ ਹੈ ਦਾ ਨਾਮ ਮੁਨਮੁਨ (Munmun) ਹੈ । ਜਦੋਂ ਇਹ ਘਟਨਾਕ੍ਰਮ ਵਾਪਰਿਆ ਤਾਂ ਉਹ ਬਾਥਰੂਮ ਵਿੱਚ ਨਹਾ ਰਹੀ ਸੀ ਤੇ ਜਦੋਂ ਗੀਜ਼ਰ ਪਾਈਪ ਵਿੱਚੋਂ ਗੈਸ ਲੀਕ ਹੋਈ ਤਾਂ ਉਸਦਾ ਦਮ ਘੁੱਟ ਗਿਆ ਅਤੇ ਉਹ ਬੇਹੋਸ਼ ਹੋ ਗਈ । ਜਦੋਂ ਤੱਕ ਪਰਿਵਾਰ ਨੂੰ ਪਤਾ ਲੱਗਾ ਤਾਂ ਬਹੁਤ ਦੇਰ ਹੋ ਚੁੱਕੀ ਸੀ ।
