ਸ਼੍ਰੀਲੰਕਾ, 6 ਜੁਲਾਈ 2026 : ਭਾਰਤ ਦੇਸ਼ ਦੇ ਨੇੜਲੇ ਦੇਸ਼ ਸ਼੍ਰੀਲੰਕਾ (Sri Lanka) ਦੇ ਨੇਗੋਂਬੋ ਸ਼ਹਿਰ ਦੀ ਇਕ ਜੇਲ ਵਿਚ ਕੈਦੀ ਦੇ ਦੋ ਧੜਿਆਂ ਵਿਚਕਾਰ ਲੜਾਈ ਦੌਰਾਨ 25 ਕੈਦੀ ਤੇ 4 ਸੁਰੱਖਿਆ ਕਰਮਚਾਰੀ ਮਾਰੇ ਗਏ ਹਨ ।
ਕਦੋਂ ਹੋਇਆ ਹੈ ਝਗੜਾ
ਮਿਲੀ ਜਾਣਕਾਰੀ ਅਨੁਸਾਰ ਸ਼੍ਰੀਲੰਕਾ ਦੇ ਨੇਗੋਂਬੋ ਸ਼ਹਿਰ (Negombo City) ਦੀ ਜਿਸ ਮੁੱਖ ਜੇਲ ਵਿਚ ਕੈਦੀਆਂ ਦੇ ਦੋ ਗਰੁੱਪਾਂ ਵਿਚਕਾਰ ਹੋਈ ਲੜਾਈ ਤੋਂ ਬਾਅਦ 25 ਕੈਦੀ ਤੇ ਚਾਰ ਸੁਰੱਖਿਆ ਕਰਮਚਾਰੀ ਮਾਰੇ ਗਏ ਹਨ ਸਬੰਧੀ ਇਹ ਝਗੜਾ (Quarrel) ਪੁਲਸ ਅਨੁਸਾਰ ਐਤਵਾਰ ਦੇਰ ਰਾਤ ਜੇਲ ਵਿਚ ਬੰਦ ਡਰੱਗ ਮਾਫੀਆ ਦੇ ਦੋ ਵਿਰੋਧੀ ਧੜਿਆਂ ਵਿਚਕਾਰ ਸ਼ੁਰੂ ਹੋਇਆ ਸੀ । ਇਸ ਝਗੜੇ ਵਿਚ ਉਪਰੋਕਤ ਤੋਂ ਇਲਾਵਾ 100 ਤੋਂ ਵਧ ਹੋਰ ਜਖਮੀ (Injured) ਵੀ ਹੋ ਗਏ ਹਨ । ਦੱਸਣਯੋਗ ਹੈ ਕਿ ਇਸ ਹਿੰਸਕ ਝੜਪ ਨੂੰ ਪਿਛਲੇ ਪੰਜ ਸਾਲਾਂ ਵਿੱਚ ਸ਼੍ਰੀਲੰਕਾ ਵਿੱਚ ਸਭ ਤੋਂ ਘਾਤਕ ਜੇਲ੍ਹ ਦੰਗੇ ਦੱਸਿਆ ਜਾ ਰਿਹਾ ਹੈ ਤੇ ਇਹ ਘਟਨਾ ਰਾਜਧਾਨੀ ਕੋਲੰਬੋ ਦੇ ਉੱਤਰ ਵਿੱਚ ਸਥਿਤ ਸ਼ਹਿਰ ਨੇਗੋਂਬੋ ਦੀ ਮੁੱਖ ਜੇਲ੍ਹ ਵਿੱਚ ਵਾਪਰੀ ।
ਕੈਦੀਆਂ ਵਿਚਾਲੇ ਹੋਇਆ ਝਗੜਾ ਬਦਲ ਗਿਆ ਸੀ ਵੱਡੇ ਦੰਗ ਵਿਚ
ਪੁਲਸ ਅਨੁਸਾਰ ਨੇਗੋਂਬੋ ਸ਼ਹਿਰ ਵਿਖੇ ਕੈਦੀਆਂ ਵਿਚਕਾਰ ਹੋਇਆ ਇਹ ਝਗੜਾ ਜਿਥੇ ਐਤਵਾਰ ਰਾਤ ਨੂੰ ਜੇਲ੍ਹ ਵਿੱਚ ਬੰਦ ਡਰੱਗ ਮਾਫੀਆ ਮੈਂਬਰਾਂ ਦੇ ਦੋ ਵਿਰੋਧੀ ਧੜਿਆਂ ਵਿਚਕਾਰ ਸ਼ੁਰੂ ਹੋਇਆ ਸੀ ਸੋਮਵਾਰ ਸਵੇਰ ਤੱਕ ਸਥਿਤੀ ਇੱਕ ਵੱਡੇ ਦੰਗੇ ਵਿੱਚ ਬਦਲ ਗਈ ਸੀ । ਹਿੰਸਕ ਝੜਪ ਤੋਂ ਬਾਅਦ ਜ਼ਖਮੀਆਂ ਨੂੰ ਤੁਰੰਤ ਨੇੜਲੇ ਨੇਗੋਂਬੋ ਸਰਕਾਰੀ ਹਸਪਤਾਲ ਲਿਜਾਇਆ ਗਿਆ । ਹਸਪਤਾਲ ਦੇ ਡਾਇਰੈਕਟਰ ਪੁਸ਼ਪਾ ਗਮਲਥ ਨੇ ਦੱਸਿਆ ਕਿ ਹੁਣ ਤੱਕ 23 ਲਾਸ਼ਾਂ ਨੂੰ ਸੁਵਿਧਾ ਵਿੱਚ ਲਿਆਂਦਾ ਗਿਆ ਹੈ । ਇਸ ਤੋਂ ਇਲਾਵਾ 100 ਤੋਂ ਵੱਧ ਜ਼ਖਮੀ ਕੈਦੀਆਂ ਅਤੇ ਗਾਰਡਾਂ ਨੂੰ ਦਾਖਲ ਕਰਵਾਇਆ ਗਿਆ ਹੈ ।
ਕੀ ਆਖਿਆ ਹਸਪਤਾਲ ਦੇ ਡਾਇਰੈਕਟਰ ਨੇ
ਹਸਪਤਾਲ ਦੇ ਡਾਇਰੈਕਟਰ ਨੇ ਨੋਟ ਕੀਤਾ ਕਿ ਕੁਝ ਜ਼ਖਮੀਆਂ ਨੂੰ ਗੋਲੀਆਂ ਦੇ ਜ਼ਖ਼ਮ ਸਨ, ਜਦੋਂ ਕਿ ਕੁਝ ਨੂੰ ਡੂੰਘੇ ਜ਼ਖ਼ਮ ਅਤੇ ਤੇਜ਼ਧਾਰ ਹਥਿਆਰਾਂ (Sharp weapons) ਨਾਲ ਸੱਟਾਂ ਲੱਗੀਆਂ ਸਨ । ਧਿਆਨ ਦੇਣਯੋਗ ਹੈ ਕਿ ਰਿਪੋਰਟਾਂ ਦਰਸਾਉਂਦੀਆਂ ਹਨ ਕਿ ਨੇਗੋਂਬੋ ਜੇਲ੍ਹ ਵਿੱਚ ਆਪਣੀ ਨਿਰਧਾਰਤ ਸਮਰੱਥਾ ਤੋਂ ਕਿਤੇ ਵੱਧ ਕੈਦੀ ਰੱਖੇ ਜਾ ਰਹੇ ਹਨ ।
