ਨਵੀਂ ਦਿੱਲੀ, 25 ਨਵੰਬਰ 2025 : ਦੇਸ਼ ਦੀਆਂ 28 ਪ੍ਰਮੁੱਖ ਸੂਚੀਬੱਧ ਰੀਅਲ ਅਸਟੇਟ ਕੰਪਨੀਆਂ (Real estate companies) ਨੇ ਚਾਲੂ ਵਿੱਤੀ ਸਾਲ ਦੀ ਪਹਿਲੀ ਛਿਮਾਹੀ `ਚ ਲੱਗਭਗ 92,500 ਕਰੋੜ ਰੁਪਏ ਦੀਆਂ ਜਾਇਦਾਦਾਂ ਵੇਚੀਆਂ (Assets worth Rs 92,500 crore sold) ।
28 ਪ੍ਰਮੁੱਖ ਸੂਚੀਬੱਧ ਰੀਅਲ ਅਸਟੇਟ ਕੰਪਨੀਆਂ ਦੀ ਕੁਲ ਵਿਕਰੀ ਬੁਕਿੰਗ ਲੱਗਭਗ
92,437 ਕਰੋੜ ਰੁਪਏ ਰਹੀ
ਸ਼ੇਅਰ ਬਾਜ਼ਾਰ ਨੂੰ ਦਿੱਤੀ ਜਾਣਕਾਰੀ ਅਨੁਸਾਰ ਚਾਲੂ ਵਿੱਤੀ ਸਾਲ (Current financial year) ਦੇ ਪਹਿਲੇ 6 ਮਹੀਨਿਆਂ `ਚ 28 ਪ੍ਰਮੁੱਖ ਸੂਚੀਬੱਧ ਰੀਅਲ ਅਸਟੇਟ ਕੰਪਨੀਆਂ ਦੀ ਕੁਲ ਵਿਕਰੀ ਬੁਕਿੰਗ ਲੱਗਭਗ 92,437 ਕਰੋੜ ਰੁਪਏ ਰਹੀ । ਵਿਕਰੀ ਬੁਕਿੰਗ ਦੇ ਮਾਮਲੇ `ਚ ਪ੍ਰੈਸਟੀਜ਼ ਅਸਟੇਟਸ ਪ੍ਰਾਜੈਕਟਸ ਲਿਮਟਿਡ ਵਿੱਤੀ ਸਾਲ 2025-26 ਦੀ ਅਪ੍ਰੈਲ-ਸਤੰਬਰ ਮਿਆਦ `ਚ ਮੋਹਰੀ ਕੰਪਨੀ ਬਣ ਕੇ ਉਭਰੀ, ਜਿਸ ਦੀ ਪਿਛਲੀ ਵਿਕਰੀ ਲੱਗਭਗ 18,143.7 ਕਰੋੜ ਰੁਪਏ ਰਹੀ ।
ਪਿਛਲੀ ਵਿਕਰੀ 15, 757 ਕਰੋੜ ਰੁਪਏ ਰਹਿਣ ਦੇ ਹਿਸਾਬ ਨਾਲ ਡੀ. ਐਲ. ਐਫ. ਰਹੀ ਦੂਸਰੇ ਸਥਾਨ ਤੇ
ਡੀ. ਐੱਲ. ਐੱਫ. ਲਿਮਟਿਡ ਦੂਜੇ ਸਥਾਨ `ਤੇ ਰਹੀ, ਜਿਸ ਦੀ ਪਿਛਲੀ ਵਿਕਰੀ ਲੱਗਭਗ 15,757 ਕਰੋੜ ਰੁਪਏ ਰਹੀ । ਗੋਦਰੇਜ ਪ੍ਰਾਪਰਟੀਜ਼ ਨੇ ਵਿੱਤੀ ਸਾਲ 2025-26 ਦੀ ਅਪ੍ਰੈਲ-ਸਤੰਬਰ ਮਿਆਦ `ਚ ਲੱਗਭਗ 15,587 ਕਰੋੜ ਰੁਪਏ ਦੀ ਵਿਕਰੀ ਬੁਕਿੰਗ ਦਰਜ ਕੀਤੀ, ਜਦੋਂਕਿ ਲੋਢਾ ਡਿਵੈੱਲਪਰਜ਼ ਨੇ 9,020 ਕਰੋੜ ਰੁਪਏ ਕੀਮਤ ਦੀਆਂ ਜਾਇਦਾਦਾਂ ਵੇਚੀਆਂ। ਦਿੱਲੀ-ਐੱਨ. ਸੀ. ਆਰ. ਦੀ ਸਿਗਨੇਚਰ ਗਲੋਬਲ ਨੇ ਚਾਲੂ ਵਿੱਤੀ ਸਾਲ ਦੀ ਪਹਿਲੀ ਛਿਮਾਹੀ `ਚ ਲਗਭਗ 4,650 ਕਰੋੜ ਰੁਪਏ ਦੀ ਵਿਕਰੀ ਬੁਕਿੰਗ ਹਾਸਲ ਕੀਤੀ ।ਇਸ `ਚ ਰੀਅਲ ਅਸਟੇਟ ਕੰਪਨੀ ਏ..ਟੀ. ਐੱਸ. ਹੋਮਕਰਾਫਟ ਨੇ ਮਜ਼ਬੂਤ ਰਿਹਾਇਸ਼ੀ ਮੰਗ ਅਤੇ ਆਪਣੀ ਠੋਸ ਅੰਦਰੂਨੀ ਨਕਦੀ ਪ੍ਰਵਾਹ ਦੀ ਵਰਤੋਂ ਕਰਦੇ ਹੋਏ ਐੱਚ. ਡੀ. ਐੱਫ. ਸੀ. ਕੈਪੀਟਲ ਦੇ ਜਾਇਦਾਦ ਫੰਡ ਨੂੰ 1,250 ਕਰੋੜ ਰੁਪਏ ਚੁੱਕਾ ਦਿੱਤੇ ।