ਹਰਿਦੁਆਰ, 1 ਅਪ੍ਰੈਲ 2026 : ਭਾਰਤ ਦੇੇਸ਼ ਦੇ ਸੂਬੇ ਉਤਰਾਖੰਡ (Uttarakhand) ਦੇ ਸ਼ਹਿਰ ਹਰਿਦੁਆਰ ਨੇੜੇ ਮੋਟਰਸਾਈਕਲ ਦੇ ਟਰੱਕ ਨਾਲ ਟਕਰਾ ਜਾਣ ਕਾਰਨ ਤਿੰਨ ਨੌਜਵਾਨਾਂ ਦੀ ਮੌਤ (Death) ਹੋ ਗਈ ਹੈ ।
ਕੌਣ ਹਨ ਤਿੰਨੋ ਜਣੇ
ਮਿਲੀ ਜਾਣਕਾਰੀ ਅਨੁਸਾਰ ਟਰੱਕ ਦੇ ਮੋਟਰਸਾਈਕਲ ਨਾਲ ਟਕਰਾਉਣ ਦਾ ਜੋ ਸੜਕ ਹਾਦਸਾ (Road accident) ਮੰਗਲੌਰ ਪੀਰਪੁਰਾ ਅੰਡਰਪਾਸ ਤੇ ਵਾਪਰਿਆ ਹੈ ਵਿਚ ਜਿਹੜੇ ਤਿੰਨ ਮੋਟਰਸਾਈਕਲ ਸਵਾਰ (Motorcyclist) ਨੌਜਵਾਨਾਂ ਦੀ ਮੌਤ ਹੋ ਗਈ ਹੈ ਵਿਚ ਅਯਾਨ (16), ਮੁਹੰਮਦ ਰਕੀਬ (17) ਅਤੇ ਮੁਹੰਮਦ ਸਾਕਿਬ (16) ਸ਼ਾਮਲ ਹਨ ।
ਕਿਵੇਂ ਵਾਪਰਿਆ ਹਾਦਸਾ
ਜਾਣਕਾਰੀ ਮੁਤਾਬਕ ਟਰੱਕ ਜੋ ਕਿ ਤੇਜ ਰਫ਼ਤਾਰ (Fast pace) ‘ਤੇ ਅਬਦੁਲ ਕਲਾਮ ਚੌਂਕ ਰਾਹੀਂ ਹਰਿਦੁਆਰ ਜਾ ਰਿਹਾ ਸੀ ਜਿਵੇਂ ਹੀ ਮੰਗਲੌਰ ਪੀਰਪੁਰਾ ਅੰਡਰਪਾਸ ਕੋਲ ਪਹੰੁਚਿਆ ਤਾਂ ਅੱਗੇ ਤੋਂ ਮੋਟਰਸਾਈਕਲ ਸਵਾਰ ਤਿੰਨ ਨੌਜਵਾਨਾਂ ਵਿਚ ਵੱਜਿਆ । ਜਿਨ੍ਹਾਂ ਨੂੰ ਆਪਣੀ ਤੇਜ ਰਫ਼ਤਾਰ ਦੇ ਚਲਦਿਆਂ ਕੁਚਲ ਗਿਆ । ਜਿਸ ਕਾਰਨ ਦੋ ਦੀ ਮੌਕੇ ਤੇ ਅਤੇ ਇਕ ਦੀ ਇਲਾਜ ਦੌਰਾਨ ਮੌਤ ਹੋਈ ਹੈ ।
ਕੀ ਦੱਸਿਆ ਕੋਤਵਾਲ ਨੇ
ਕੋਤਵਾਲ ਭਗਵਾਨ ਸਿੰਘ ਮੇਹਰ ਨੇ ਦੱਸਿਆ ਕਿ ਹਾਦਸਾ ਮੰਗਲਵਾਰ ਰਾਤ 9 ਵਜੇ ਦੇ ਕਰੀਬ ਮੰਗਲੌਰ-ਹਰਿਦੁਆਰ ਅੰਡਰਪਾਸ `ਤੇ ਪੀਰਪੁਰਾ ਨੇੜੇ ਵਾਪਰਿਆ । ਪੁਲਸ ਨੇ ਲਾਸ਼ਾਂ ਨੂੰ ਕਬਜ਼ੇ ਵਿਚ ਲੈ ਕੇ ਪੋਸਟਮਾਰਟਮ (Postmortem) ਲਈ ਭੇਜ ਦਿੱਤਾ ਹੈ । ਨੁਕਸਾਨੇ ਗਏ ਵਾਹਨਾਂ ਨੂੰ ਸੜਕ ਤੋਂ ਹਟਾ ਦਿੱਤਾ ਗਿਆ ਹੈ ਅਤੇ ਆਵਾਜਾਈ ਬਹਾਲ ਕਰ ਦਿੱਤੀ ਗਈ ਹੈ । ਪੁਲਸ ਟਰੱਕ ਡਰਾਈਵਰ ਦੀ ਭਾਲ ਕਰ ਰਹੀ ਹੈ ਅਤੇ ਜਾਂਚ ਜਾਰੀ ਹੈ ।
