ਫਰੀਦਕੋਟ, 13 ਮਈ 2026 : ਪੰਜਾਬ ਦੇ ਜਿਲਾ ਫਰੀਦਕੋਟ (Faridkot) ਦੀ ਥਾਣਾ ਜੈਤੋਂ ਪੁਲਸ ਵਲੋਂ ਦੁਕਾਨ ਅੰਦਰ ਵੜ ਕੇ ਵਾਰਦਾਤ ਕਰਨ ਦੇ ਮਾਮਲੇ ਵਿਚ 8 ਵਿਅਕਤੀਆਂ ਨੂੰ ਗ੍ਰਿਫ਼ਤਾਰ (Arrested) ਕੀਤਾ ਗਿਆ ਹੈ ।
ਕੌਣ ਕੌਣ ਹਨ ਜਿਨ੍ਹਾਂ ਨੂੰ ਕੀਤਾ ਗਿਆ ਹੈ ਗ੍ਰਿਫ਼ਤਾਰ
ਐਸ. ਐਸ. ਪੀ. ਪ੍ਰਗਿਆ ਜੈਨ ਦੀ ਅਗਵਾਈ ਹੇਠ ਕੰਮ ਕਰ ਰਹੀ ਪੁਲਸ ਪਾਰਟੀ ਨੇ ਗੈਰ-ਸਮਾਜਿਕ ਅਨਸਰਾਂ (Anti-social elements) ਵਿਰੁੱਧ ਕਾਰਵਾਈ ਕਰਦਿਆਂ ਜੈਤੋਂ ਵਿਖੇ ਦੁਕਾਨ ਅੰਦਰ ਵੜ ਕੇ ਵਾਰਦਾਤ (Incident) ਕਰਨ ਵਾਲੇ ਜਿਨ੍ਹਾਂ 8 ਵਿਅਕਤੀਆਂ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਹੈ ਵਿਚ ਹਰਦੀਪ ਸਿੰਘ ਉਰਫ ਵਣਜਾਰਾ, ਸੁਮਨ ਕੌਰ ਪਤਨੀ ਹਰਦੀਪ ਸਿੰਘ ਉਰਫ ਵਣਜਾਰਾ, ਵਿਸ਼ੇਸ਼ ਮਹਿਤਾ ਉਰਫ ਮੱਤਾ, ਜਸਪ੍ਰੀਤ ਸਿੰਘ ਉਰਫ ਜੱਸੂ, ਲੱਖਨ, ਹਰਪ੍ਰੀਤ ਸਿੰਘ ਅਤੇ ਬੌਬੀ ਸਿੰਘ ਅਤੇ ਇੱਕ ਜੁਵੇਨਾਇਲ ਸ਼ਾਮਲ ਹੈ।
ਕੀ ਕੀ ਬਰਾਮਦ ਕੀਤਾ ਗਿਆ ਹੈ ਪਕੜੇ ਗਏ ਵਿਅਕਤੀਆਂ ਕੋਲੋਂ
ਐਸ. ਪੀ. (ਇਨਵੈਸਟੀਗੇਸ਼ਨ) ਜੋਗੇਸ਼ਵਰ ਸਿੰਘ ਗੋਰਾਇਆ ਦੀ ਅਗਵਾਈ ਹੇਠ ਕੰਮ ਕਰ ਰਹੇ ਡੀ. ਐਸ. ਪੀ. ਸਬ ਡਵੀਜਨ ਜੈਤੋਂ ਦੇ ਦਿਸ਼ਾ ਨਿਰਦੇਸ਼ਾਂ ਤੇ ਥਾਣਾ ਜੈਤੋਂ ਦੀ ਪੁਲਸ ਟੀਮ ਨੇ ਪਕੜੇ ਗਏ ਵਿਅਕਤੀਆਂ ਕੋਲੋ ਇਕ ਪਿਸਟਲ 32 ਬੋਰ ਸਮੇਤ ਮੈਗਜੀਨ, 01 ਲੋਹੇ ਦਾ ਖੰਡਾ ਅਤੇ ਇਕ ਨਲਕੇ ਦੀ ਹੱਥੀ ਵੀ ਬਰਾਮਦ ਕੀਤੀ ਗਈ ਹੈ । ਇਸ ਤੋਂ ਇਲਾਵਾ ਦੋ ਸਪਲੈਂਡਰ ਮੋਟਰਸਾਈਕਲ ਵੀ ਕਬਜੇ ਵਿੱਚ ਲਏ ਗਏ ਹਨ । ਦੱਸਣਯੋਗ ਹੈ ਪਕੜੇ ਗਏ ਸਮੁੱਚੇ ਵਿਅਕਤੀ ਜੈਤੋਂ ਦੇ ਹੀ ਰਹਿਣ ਵਾਲੇ ਹਨ ।
