ਤਰਨ ਤਾਰਨ, 12 ਅਗਸਤ 2026 : ਪੰਜਾਬ ਦੇ ਜਿਲਾ ਤਰਨਤਾਰਨ (Tarn Taran) ਵਿਖੇ ਲੰਘੇ ਦਿਨਾਂ ਇਕ ਰਿਸੋਰਟ ਮਾਲਕ ਦੇ ਘਰ ‘ਤੇ ਫਿਰੌਤੀ (Ransom) ਦੀ ਮੰਗ ਪੂਰੀ ਨਾ ਕਰਨ ‘ਤੇ ਫਾਇਰਿੰਗ (Firing) ਕੀਤੀ ਗਈ ਹੈ ।
ਕੌਣ ਹੈ ਇਹ ਰਿਸੋਰਟ ਮਾਲਕ
ਮਿਲੀ ਜਾਣਕਾਰੀ ਅਨੁਸਾਰ ਤਰਨਤਾਰਨ ਵਿਖੇ ਜੋ ਲੰਘੇ ਦਿਨਾਂ ਇਕ ਰਿਸੋਰਟ ਮਾਲਕ ਦੇ ਘਰ ‘ਤੇ ਗੋਲੀਬਾਰੀ ਕੀਤੀ ਗਈ ਹੈ ਦੇ ਵਿਚ ਰਿਸੋਰਟ ਮਾਲਕ (Resort owner) ਦੀ ਪਛਾਣ ਮੈਜਿਸਟਕ ਵਿਲਾਹ ਰਿਸੋਰਟ ਦੇ ਮਾਲਕ ਗੁਰਮੁੱਖ ਸਿੰਘ ਦੇ ਤੌਰ ‘ਤੇ ਹੋਈ ਹੈ । ਦੱਸਣਯੋਗ ਹੈ ਕਿ ਉਕਤ ਫਾਇਰਿੰਗ ਮਾਮਲੇ ਦੇ ਚਲਦਿਆਂ ਪਰਿਵਾਰਕ ਮੈਂਬਰਾਂ ਵਿਚ ਡਰ ਦਾ ਮਾਹੌਲ ਪੈਦਾ ਹੋਇਆ ਪਿਆ ਹੈ ਤੇ ਕੋਈ ਵੀ ਘਰ ਤੋਂ ਬਾਹਰ ਨਹੀਂ ਨਿਕਲ ਰਿਹਾ ਹੈ, ਜਿਸ ਕਾਰਨ ਬੱਚਿਆਂ ਦੀ ਪੜ੍ਹਾਈ ਤੇ ਕਾਰੋਬਾਰ ਨੂੰ ਨੁਕਸਾਨ ਪਹੁੰਚ ਰਿਹਾ ਹੈ ।
ਕੀ ਜਾਣਕਾਰੀ ਦਿੱਤੀ ਰਿਸੋਰਟ ਮਾਲਕ ਨੇ
ਮੈਜਿਸਟਿਕ ਵਿਲਾਹ ਰਿਸੋਰਟ (Majestic Villa Resort) ਦੇ ਮਾਲਕ ਗੁਰਮੁੱਖ ਸਿੰਘ ਵਾਸੀ ਸ੍ਰੀ ਚੰਦਰ ਕਾਲੋਨੀ, ਨੇ ਦੱਸਿਆ ਕਿ ਬੀਤੇ ਜੂਨ ਮਹੀਨੇ ਵਿਚ ਉਸਨੂੰ ਵਿਦੇਸ਼ੀ ਨੰਬਰ ਤੋਂ ਵੱਖ-ਵੱਖ ਗੈਂਗਸਟਰਾਂ ਦੇ ਨਾਮ ਲੈਣ ਵਾਲੇ ਵਿਅਕਤੀਆਂ ਵਲੋਂ ਫੋਨ ਕਰਕੇ ਫਿਰੌਤੀ ਦੀ ਮੰਗ ਕੀਤੀ ਗਈ ਸੀ, ਜਿਸਦੀ ਸੂਚਨਾ ਉਨ੍ਹਾਂ ਵਲੋਂ ਥਾਣਾ ਸਿਟੀ ਤਰਨਤਾਰਨ ਪੁਲਸ ਨੂੰ ਦੇ ਦਿੱਤੀ ਗਈ ਪਰ ਮਾਮਲਾ ਦਰਜ (Case registered) ਹੋਣ ਤੋਂ ਬਾਅਦ ਵੀ ਕਈ ਵਿਅਕਤੀਆਂ ਵਲੋਂ ਘਰ ਦੀ ਰੇਕੀ ਜਾਰੀ ਹੈ । ਜਿਸਦੇ ਚਲਦਿਆਂ ਉਨ੍ਹਾਂ ਐਸ. ਐਸ. ਪੀ. ਸੁਰਿੰਦਰ ਲਾਂਬਾ ਤੇ ਡੀ. ਆਈ. ਜੀ. ਫਿਰੋਜਪੁਰ ਰੇਂਜ ਤੋਂ ਮੰਗ ਕੀਤੀ ਹੈ ਕਿ ਉਨ੍ਹਾਂ ਦੀ ਸੁਰੱਖਿਆ ਕੀਤੀ ਜਾਵੇ ।
