ਉਤਰ ਪ੍ਰਦੇਸ਼, 31 ਅਗਸਤ 2026 : ਭਾਰਤ ਦੇਸ਼ ਦੇ ਸੂਬੇ ਉਤਰ ਪ੍ਰਦੇਸ਼ (Uttar Pradesh) ਦੇ ਜਿਲਾ ਕਸਾਗੰਜ ਵਿਖੇ ਪਿਕਅਪ ਟਰੱਕ ਦੇ ਟਰੱਕ ਨਾਲ ਟਕਰਾਉਣ ਕਾਰਨ ਤਿੰਨ ਵਿਅਕਤੀਆਂ ਦੀ ਮੌਤ (Death) ਹੋ ਗਈ ਹੈ ।
ਕਿਵੇਂ ਵਾਪਰਿਆ ਸੜਕ ਹਾਦਸਾ
ਮਿਲੀ ਜਾਣਕਾਰੀ ਅਨੁਸਾਰ ਉਤਰ ਪ੍ਰਦੇਸ਼ ਦੇ ਜਿਲਾ ਕਸਾਗੰਜ (Kasaganj District) ਵਿਖੇ ਜੋ ਇਕ ਪਿਕਅਪ ਟਰੱਕ ਦੇ ਇਕ ਹੋਰ ਟਰੱਕ ਨਾਲ ਟਕਰਾ ਜਾਣ ਦੇ ਕਾਰਨ ਪਿਕਅਪ ਟਰੱਕ ਵਿਚ ਸਵਾਰ 26 ਲੋਕਾਂ ਵਿਚੋਂ ਤਿੰਨ ਦੀ ਮੌਕੇ ‘ਤੇ ਹੋ ਗਈ ਹੈ ਤੇ 23 ਵਿਅਕਤੀ ਗੰਭੀਰ ਰੂਪ ਵਿਚ ਜਖਮੀ (Injured) ਹੋ ਗਏ ਹਨ, ਨੂੰ ਇਲਾਜ ਲਈ ਜਿਲਾ ਹਸਪਤਾਲ ਵਿਖੇ ਦਾਖਲ ਕਰਵਾਇਆ ਗਿਆ ਹੈ । ਉਕਤ ਸੜਕ ਹਾਦਸੇ (Road accidents) ਵਿਚ 8 ਜਖਮੀਆਂ ਨੂੰ ਵਧੀਆ ਇਲਾਜ ਲਈ ਅਲੀਗੜ੍ਹ ਵਿਖੇ ਰੈਫਰ ਕਰ ਦਿੱਤਾ ਗਿਆ ਹੈ ।
ਜਬਰਦਸਤ ਟੱਕਰ ਕਾਰਨ ਪਿਅਕਪ ਟਰੱਕ ਹੋਇਆ ਚਕਨਾਚੂਰ
ਪ੍ਰਾਪਤ ਸੂਚਨਾ ਮੁਤਾਬਕ ਕਾਸਗੰਜ-ਮਥੁਰਾ ਹਾਈਵੇ ਤੇ ਜਦੋਂ ਇਕ ਟਰੱਕ ਰਿਵਰਸ ਹੋ ਰਿਹਾ ਸੀ ਤਾਂ ਉਪਰੋਕਤ ਪਿਅਕਪ ਟਰੱਕ ਨੇ ਟਰੱਕ ਦੇ ਪਿਛਲੇ ਹਿੱਸੇ ਵਿਚ ਜਾ ਕੇ ਟੱਕਰ ਮਾਰ ਦਿੱਤੀ, ਜਿਸ ਕਾਰਨ ਪਿਅਕਪ ਟਰੱਕ ਦਾ ਅਗਲਾ ਹਿੱਸਾ ਬੁਰੀ ਤਰ੍ਹਾਂ ਚਕਨਾਚੂਰ ਹੋ ਗਿਆ । ਜਿਸ ਕਾਰਨ ਪਿਕਅਪ ਵਿਚ ਸਵਾਰ ਯਾਤਰੀਆਂ ਨੂੰ ਸੰਭਲਣ ਦਾ ਮੌਕਾ ਵੀ ਨਹੀਂ ਮਿਲਿਆ । ਜਾਣਕਾਰੀ ਮੁਤਾਬਕ ਪਿਕਅਪ ਟਰੱਕ ਵਿਚ ਸਵਾਰ ਵਿਅਕਤੀ ਇਕ ਵਿਅਕਤੀ ਦੀਆਂ ਅਸਥੀਆਂ ਲੈ ਕੇ ਜਲ-ਪ੍ਰਵਾਹ ਕਰਨ ਲਈ ਸੋਰੋਂ ਜਾ ਰਹੇ ਸਨ ।
