ਕਿਸ ਮਾਮਲੇ ਵਿਚ ਪੇਸ਼ ਹੋਏ ਹਨ ਸਾਬਕਾ ਮੁੱਖ ਸਕੱਤਰ
ਮਿਲੀ ਜਾਣਕਾਰੀ ਅਨੁਸਾਰ ਪੰਜਾਬ ਦੇ ਸਾਬਕਾ ਮੁੱਖ ਸਕੱਤਰ ਅਨੁਰਾਗ ਵਰਮਾ (Anurag Verma) ਜੋ ਕਿ ਅੱਜ ਭਾਰਤ ਦੇਸ਼ ਦੀ ਕੇਂਦਰੀ ਜਾਂਚ ਏਜੰਸੀ ਇਨਫੋਰਸਮੈਂਟ ਡਾਇਰੈਕਟੋਰੇਟ ਦੇ ਦਫ਼ਤਰ ਵਿਖੇ ਪੇਸ਼ ਹੋਏ ਹਨ ਦਾ ਕਾਰਨ ਈ. ਡੀ. ਵਲੋਂ ਮੋਹਾਲੀ ਵਿਚ ਜ਼ਮੀਨੀ ਵਰਤੋੋਂ ਤਬਦੀਲੀ ਪ੍ਰਵਾਨਗੀਆਂ ਅਤੇ ਲੇਆਉਟ ਤਬਦੀਲੀਆਂ ਨਾਲ ਸਬੰਧਤ ਬੇਨਿਯਮੀਆਂ ਦੀ ਜਾਂਚ ਕੀਤੇ ਜਾਣਾ ਹੈ । ਜਾਣਕਾਰੀ ਅਨੁਸਾਰ ਵਰਮਾ ਕੋਲ ਇਸ ਮਾਮਲੇ ਨਾਲ ਸਬੰਧਤ ਮਹੱਤਵਪੂਰਨ ਦਸਤਾਵੇਜ਼ਾਂ ਵਾਲੀ ਇੱਕ ਫਾਈਲ ਸੀ, ਜਿਸ ਸਬੰਧੀ ਕੇਂਦਰੀ ਜਾਂਚ ਏਜੰਸੀ ਦੇ ਸੀਨੀਅਰ ਅਧਿਕਾਰੀ ਉਨ੍ਹਾਂ ਤੋਂ ਇਸ ਮਾਮਲੇ ਬਾਰੇ ਪੁੱਛਗਿੱਛ ਕਰ ਰਹੇ ਹਨ ।
ਪਹਿਲਾਂ ਵੀ ਭੇਜੇ ਗਏ ਸੀ ਸੰਮੰਨ
ਉਕਤ ਮਾਮਲੇ ਦੀ ਜਾਂਚ ਕਰ ਰਹੀ ਈ. ਡੀ. ਦੇ ਅਧਿਕਾਰੀਆਂ ਵਲੋਂ ਪਹਿਲਾਂ ਵੀ ਸਾਬਕਾ ਮੁੱਖ ਸਕੱਤਰ ਨੂੰ ਜਲੰਧਰ ਵਿਖੇ ਬਣੇ ਦਫ਼ਤਰ ਵਿਖੇ ਪੇਸ਼ ਹੋਣ ਲਈ ਸੰਮੰਨ ਭੇਜੇ ਗਏ ਸਨ ਪਰ ਅਨੁਰਾਗ ਵਰਮਾ ਵਲੋਂ ਪੇਸ਼ ਨਹੀਂ ਹੋਇਆ ਗਿਆ ਅਤੇ ਅੱਜ ਤੀਸਰੀ ਵਾਰ ਜਾਰੀ ਹੋਏ ਸੰਮੰਨਾਂ ਤੋਂ ਬਾਅਦ ਦਫ਼ਤਰ ਪੇਸ਼ ਹੋਇਆ ਗਿਆ ਹੈ, ਜਿਸਦਾ ਕਾਰਨ ਪਹਿਲੇ ਜਾਰੀ ਸੰਮੰਨਾਂ ਦੌਰਾਨ ਵਰਮਾ ਵਲੋਂ ਸਬੰਧਤ ਮਾਮਲੇ ਦੀ ਜਾਂਚ ਸਬੰਧੀ ਕਾਗਜ਼ਾਤ ਇਕੱਠੇ ਕੀਤਾ ਜਾਣਾ ਮੰਨਿਆਂ ਜਾ ਰਿਹਾ ਹੈ ।
