ਸੀਤਾਪੁਰ, 31 ਮਾਰਚ 2026 : ਭਾਰਤ ਦੇਸ ਦੇ ਸੂਬੇ ਉਤਰ ਪ੍ਰਦੇਸ਼ (Uttar Pradesh) ਦੇ ਜਿਲਾ ਸੀਤਾਪੁਰ ਦੇ ਲਹਿਰਪੁਰ ਖੇਤਰ ਵਿਖੇ ਇਕ ਗੈਰ-ਕਾਨੂੰਨੀ ਮਸਜਿਦ (Illegal mosque) ਢਾਹੇ ਜਾਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ ।
ਕਿੰਨੇ ਸਾਲ ਪੁਰਾਣੀ ਸੀ ਇਹ ਮਸਜਿਦ
ਉੱਤਰ ਪ੍ਰਦੇਸ਼ ਦੇ ਸੀਤਾਪੁਰ ਜਿਲੇ (Sitapur District) ਦੇ ਲਹਿਰਪੁਰ ਖੇਤਰ `ਚ ਕਥਿਤ ਤੌਰ `ਤੇ ਗੈਰ-ਕਾਨੂੰਨੀ ਬਣੀ 12 ਸਾਲ ਪੁਰਾਣੀ ਮਸਜਿਦ ਨੂੰ ਪ੍ਰਸ਼ਾਸਨ ਨੇ ਸੋਮਵਾਰ ਨੂੰ ਬੁਲਡੋਜ਼ਰ ਨਾਲ ਢਾਹ ਦਿੱਤਾ । ਅਧਿਕਾਰੀਆਂ ਨੇ ਇਹ ਜਾਣਕਾਰੀ ਦਿੱਤੀ । ਅਪਰ ਜਿ਼ਲਾ ਮੈਜਿਸਟ੍ਰੇਟ (ਏ. ਡੀ. ਐੱਮ.) ਨਿਤੀਸ਼ ਕੁਮਾਰ ਤੜਕੇ ਅਧਿਕਾਰੀਆਂ ਦੀ ਟੀਮ ਸਮੇਤ ਮੌਕੇ `ਤੇ ਪਹੁੰਚੇ । ਪ੍ਰਸ਼ਾਸਨ ਅਨੁਸਾਰ ਇਹ ਮਸਜਿਦ ਤਾਲਾਬ ਦੀ ਜ਼ਮੀਨ `ਤੇ ਗੈਰ-ਕਾਨੂੰਨੀ (Illegal) ਤੌਰ `ਤੇ ਬਣਾਈ ਗਈ ਸੀ । ਨਵਾਂਗਾਓਂ ਬੇਹਟੀ ਸਥਿਤ ਮਸਜਿਦ ਖਿ਼ਲਾਫ ਗ੍ਰਾਮ ਸਭਾ ਦੀ ਸਿ਼ਕਾਇਤ ’ਤੇ ਤਹਿਸੀਲ ਅਦਾਲਤ ਨੇ ਤੇ ਢਾਹੁਣ ਦਾ ਹੁਕਮ ਦਿੱਤਾ ਸੀ ।
ਮਸਜਿਦ ਦੀ ਉਸਾਰੀ ਨੂੰ ਲੈ ਕੇ ਚੱਲ ਰਿਹਾ ਸੀ ਵਿਵਾਦ
ਕਾਰਵਾਈ ਦੌਰਾਨ ਸੁਰੱਖਿਆ ਦੇ ਮੱਦੇਨਜ਼ਰ ਏ. ਡੀ. ਐੱਮ., ਏ. ਐਸ. ਪੀ. ਅਤੇ ਐੱਚ. ਓ. ਸਮੇਤ ਲੱਗਭਗ 500 ਪੁਲਸ ਕਰਮੀਆਂ ਨੂੰ ਤਾਇਨਾਤ ਕੀਤਾ ਗਿਆ । ਅਧਿਕਾਰੀਆਂ ਨੇ ਦੱਸਿਆ ਕਿ ਮਸਜਿਦ ਦੀ ਉਸਾਰੀ ਨੂੰ ਲੈ ਕੇ ਲੰਬੇ ਸਮੇਂ ਤੋਂ ਵਿਵਾਦ ਚੱਲ ਰਿਹਾ ਸੀ । ਗ੍ਰਾਮ ਸਭਾ ਦਾ ਦਾਅਵਾ ਸੀ ਕਿ ਉਸਾਰੀ ਤਾਲਾਬ ਅਤੇ ਕਬਰਿਸਤਾਨ ਦੀ ਜ਼ਮੀਨ `ਤੇ ਕੀਤੀ ਗਈ ਹੈ । ਇਸ ਮਾਮਲੇ `ਚ 18 ਦਸੰਬਰ 2025 ਨੂੰ ਅਦਾਲਤ `ਚ ਮੁਕੱਦਮਾ ਦਾਇਰ ਕੀਤਾ ਗਿਆ ਸੀ ।
