ਅੰਮ੍ਰਿਤਸਰ, 18 ਅਪ੍ਰੈਲ 2026 : ਪੰਜਾਬ ਦੇ ਜਿਲਾ ਅੰਮ੍ਰਿਤਸਰ ਦੇ ਹਵਾਈ ਅੱਡੇ (Amritsar Airport) ‘ਤੇ ਕਸਟਮ ਅਧਿਕਾਰੀਆਂ ਵਲੋਂ ਇਕ ਵਿਅਕਤੀ ਨੂੰ ਕਰੋੜਾਂ ਰੁਪਏ ਦੀ ਕੀਮਤ ਤੇ ਗਾਂਜੇ (Cannabis) ਸਮੇਤ ਗ੍ਰਿਫ਼ਤਾਰ ਕੀਤਾ ਗਿਆ ਹੈ ।
ਕਿੰਨੀ ਮਾਤਰਾ ਵਿਚ ਲਿਆਂਦਾ ਜਾ ਰਿਹਾ ਸੀ ਗਾਂਜਾ
ਮਿਲੀ ਜਾਣਕਾਰੀ ਅਨੁਸਾਰ ਅੰਮ੍ਰਿਤਸਰ ਕਸਟਮਜ਼ (Amritsar Customs) (ਪ੍ਰਿਵੈਂਟਿਵ) ਨੇ ਜੋ ਚੌਕਸੀ ਵਰਤਦਿਆਂ ਹਾਈਡਰੋਪੋਨਿਕ ਗਾਂਜਾ ਦੀ ਤਸਕਰੀ ਦਾ ਪਰਦਾਫ਼ਾਸ਼ ਕੀਤਾ ਹੈ ਤਹਿਤ ਜੋ ਇਕ ਵਿਅਕਤੀ ਨੂੰ ਗਾਂਜਾ ਦੀ ਖੇਪ ਸਮੇਤ ਗ੍ਰਿਫ਼ਤਾਰ (Arrested) ਕੀਤਾ ਗਿਆ ਹੈ ਦਾ ਭਾਰ 6. 270 ਕਿਲੋਗ੍ਰਾਮ ਹੈ । ਕਸਟਮਜ਼ ਦੇ ਬੁਲਾਰੇ ਅਨੁਸਾਰ ਉਕਤ ਨਸ਼ੀਲੇ ਪਦਾਰਥ ਦੀ ਖੇਪ ਉਸ ਵੇਲੇ ਬਰਾਮਦ ਹੋਈ ਜਦੋਂ ਅੰਮ੍ਰਿਤਸਰ ਹਵਾਈ ਅੱਡੇ ’ਤੇ ਇਕ ਵਿਅਕਤੀ ਦੇ ਸਾਮਾਨ ਦੀ ਜਾਂਚ ਕੀਤੀ ਜਾ ਰਹੀ ਸੀ । ਉਨ੍ਹਾਂ ਦੱਸਿਆ ਕਿ ਪਕੜੇ ਗਏ ਨਸ਼ੀਲੇ ਪਦਾਰਥ ਗਾਂਜੇ ਦੀ ਕੀਮਤ 6.27 ਕਰੋੜ ਰੁਪਏ ਹੈ ਅਤੇ ਇਸਦਾ ਭਾਰ 6.270 ਕਿਲੋਗ੍ਰਾਮ ਹੈ ।
ਕਸਟਮ ਨਿਯਮਾਂ ਤਹਿਤ ਗਾਂਜਾ ਜਬਤ ਕਰਕੇ ਕਾਰਵਾਈ ਸ਼ੁਰੂ
ਮੁਲਜ਼ਮ ਬੈਂਕਾਕ ਤੋਂ ਸਿੰਗਾਪੁਰ ਰਾਹੀਂ ਉਡਾਣ ਰਾਹੀਂ ਹਵਾਈ ਅੱਡੇ ’ਤੇ ਆਇਆ ਸੀ। ਕਸਟਮ ਨਿਯਮਾਂ ਤਹਿਤ ਖੇਪ ਜ਼ਬਤ ਕਰ ਲਈ ਗਈ ਅਤੇ ਮੁਲਜ਼ਮ ਨੂੰ ਗ੍ਰਿਫ਼ਤਾਰ ਕਰ ਲਿਆ ਗਿਆ ਅਤੇ ਅਗਲੀ ਕਾਰਵਾਈ ਸ਼ੁਰੂ ਕਰ ਦਿਤੀ ਗਈ ਹੈ । ਦੱਸਣਯੋਗ ਹੈ ਕਿ ਲੋਕਾਂ ਵਲੋਂ ਸਮੇੇਂ ਸਮੇਂ ਸਿਰ ਸਮੱਗਲਿੰਗ ਕੀਤੀ ਜਾਂਦੀ ਹੈ ਤੇ ਕਸਟਮ ਵਿਭਾਗ ਵਲੋਂ ਚੌਕਸੀ ਵਰਤਤਿਆਂ ਅਖੀਰਕਾਰ ਗੈਰ-ਕਾਨੂੰਨੀ ਸਮਾਨ ਪਕੜ ਲਿਆ ਜਾਂਦਾ ਹੈ, ਜਿਸਦਾ ਨਤੀਜਾ ਸਭ ਦੇ ਸਾਹਮਣੇ ਹੈ ।
