ਰਾਜਮਹੇਂਦਰਵਰਮ, 23 ਮਾਰਚ 2026 : ਭਾਰਤ ਦੇੇਸ਼ ਦੇ ਸੂਬੇ ਆਂਧਰਾ ਪ੍ਰਦੇਸ਼ (Andhra Pradesh) ਦੇ ਜਿਲਾ ਗੋਦਾਵਰੀ ਵਿਖੇ ਜਹਿਰੀਲਾ ਦੁੱਧ ਪੀ ਕੇ ਕਈ ਵਿਅਕਤੀਆਂ ਦੀ ਮੌਤ (Death) ਦਾ ਸਮਾਚਾਰ ਮਿਲਿਆ ਹੈ ।
ਕਦੋਂ ਵਾਪਰਿਆ ਸੀ ਘਟਨਾਕ੍ਰਮ ਤੇ ਮਰਨ ਵਾਲਿਆਂ ਦੀ ਗਿਣਤੀ ਹੋ ਗਈ ਕਿੰਨੀ
ਆਂਧਰਾ ਪ੍ਰਦੇਸ਼ ਦੇ ਪੂਰਬੀ ਗੋਦਾਵਰੀ ਜ਼ਿਲੇ `ਚ ਸ਼ੱਕੀ ਜ਼ਹਿਰੀਲਾ ਦੁੱਧ (Poisoned milk) ਪੀਣ ਨਾਲ ਮਰਨ ਵਾਲਿਆਂ ਦੀ ਗਿਣਤੀ 16 ਹੋ ਗਈ ਹੈ । ਰਾਜਮਹੇਂਦਰਵਰਮ ਦੇ ਹਸਪਤਾਲਾਂ `ਚ 3 ਵਿਅਕਤੀਆਂ ਦਾ ਐਤਵਾਰ ਇਲਾਜ ਚੱਲ ਰਿਹਾ ਸੀ । ਸਿਹਤ ਵਿਭਾਗ ਅਨੁਸਾਰ ਇਹ ਮਾਮਲਾ ਪਹਿਲੀ ਵਾਰ 22 ਫਰਵਰੀ ਨੂੰ ਸਾਹਮਣੇ ਆਇਆ ਸੀ ਜਦੋਂ ਕਈ ਬਜ਼ੁਰਗ ਵਿਅਕਤੀਆਂ ਨੇ ਪਿਸ਼ਾਬ ਨਾ ਆਉਣ, ਉਲਟੀਆਂ, ਪੇਟ ਦਰਦ ਤੇ ਹੋਰ ਸਮੱਸਿਆਵਾਂ ਦੀ ਸ਼ਿਕਾਇਤ ਕੀਤੀ ਤੇ ਉਨ੍ਹਾਂ ਨੂੰ ਹਸਪਤਾਲਾਂ `ਚ ਦਾਖਲ ਕਰਵਾਉਣਾ ।
ਲੈਬਾਰਟਰੀ ਟੈਸਟਾਂ ਮੁਤਾਬਕ ਦੁੱਧ ਵਿਚ ਕਿਹੜਾ ਜਹਿਰੀਲਾ ਰਸਾਇਣ ਸੀ
ਐਤਵਾਰ ਜਾਰੀ ਇਕ ਅਧਿਕਾਰਤ ਪ੍ਰੈੱਸ ਰਿਲੀਜ਼ ਅਨੁਸਾਰ ਲੈਬਾਰਟਰੀ ਟੈਸਟਾਂ (Laboratory tests) ਤੋਂ ਪਤਾ ਲੱਗਾ ਹੈ ਕਿ ਦੁੱਧ `ਚ ਐਥੀਲੀਨ ਗਲਾਈਕੋਲ (Ethylene glycol) ਨਾਮੀ ਇਕ ਜ਼ਹਿਰੀਲਾ ਰਸਾਇਣ ਸੀ । ਕੋਰੂਕੋਂਡਾ ਦੇ ਨਰਸਾਪੁਰਮ ਪਿੰਡ `ਚ ਸਥਿਤ ਵਰਲਕਸ਼ਮੀ ਦੁੱਧ ਡੇਅਰੀ ਨੇ ਕਥਿਤ ਤੌਰ `ਤੇ 106 ਪਰਿਵਾਰਾਂ ਨੂੰ ਉਕਤ ਦੁੱਧ ਸਪਲਾਈ ਕੀਤਾ ਸੀ । ਇਹ ਸਪਲਾਈ ਹੁਣ ਤਰੰਤ ਬੰਦ ਕਰ ਦਿੱਤੀ ਗਈ ਹੈ ।
