ਅਮਰਾਵਤੀ, 14 ਮਾਰਚ 2026 : ਭਾਰਤ ਦੇਸ਼ ਦੇ ਸੂਬੇ ਆਂਧਰਾ ਪ੍ਰਦੇਸ਼ (Andhra Pradesh) ਵਿਚ ਇਕ ਨਸ਼ੀਲੇ ਪਦਾਰਥ ਬਣਾਉਣ ਵਾਲੀ ਫੈਕਟਰੀ ਦਾ ਪਰਦਾਫਾਸ਼ (Factory bust) ਕੀਤੇ ਜਾਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ ।
47 ਕਰੋੜ ਰੁਪਏ ਦੀ ਕੀਮਤ ਦਾ ਅਲਪਰਾਜ਼ੋਲਮ ਜ਼ਬਤ
ਆਂਧਰਾ ਪ੍ਰਦੇਸ਼ ਦੇ ਐੱਨ. ਟੀ. ਆਰ. ਜਿ਼ਲੇ ਦੇ ਕੋਂਡਾਪੱਲੀ `ਚ ਗੈਰ-ਕਾਨੂੰਨੀ ਸਿੰਥੈਟਿਕ ਡਰੱਗ (Illegal synthetic drug) ਬਣਾਉਣ ਵਾਲੀ ਇਕ ਫੈਕਟਰੀ ਦਾ ਪਰਦਾਫਾਸ਼ ਕਰਨ ਤੋਂ ਬਾਅਦ 47 ਕਰੋੜ ਰੁਪਏ ਦੀ ਕੀਮਤ ਦਾ 237 ਕਿਲੋਗ੍ਰਾਮ ਅਲਪਰਾਜ਼ੋਲਮ ਜ਼ਬਤ (Alprazolam seizure) ਕੀਤਾ ਗਿਆ।
ਡੀ. ਆਰ. ਆਈ. ਨੇ ਕੀ ਦੱਸਿਆ
ਡਾਇਰੈਕਟੋਰੇਟ ਆਫ ਰੈਵੇਨਿਊ ਇੰਟੈਲੀਜੈਂਸ (ਡੀ. ਆਰ. ਆਈ.) ਨੇ ਦੱਸਿਆ ਕਿ ਡੀ. ਆਰ. ਆਈ. ਨੇ ਆਪਰੇਸ਼ਨ `ਵ੍ਹਾਈਟ ਹੈਮਰ` ਅਧੀਨ ਕੋਂਡਾਪੱਲੀ ਇੰਡਸਟਰੀਅਲ ਡਿਵੈਲਪਮੈਂਟ ਏਰੀਆ `ਚ ਸਥਿਤ ਫੈਕਟਰੀ `ਤੇ ਛਾਪਾ ਮਾਰਿਆ, ਜਿੱਥੇ ਨਸ਼ੀਲੇ ਪਦਾਰਥ (Drugs) ਤਿਆਰ ਕੀਤੇ ਜਾ ਰਹੇ ਸਨ । ਅਲਪਰਾਜ਼ੋਲਮ ਇਕ ਸਾਈਕੋਟ੍ਰਾਪਿਕ ਪਦਾਰਥ ਹੈ ਜੋ ਐੱਨ. ਡੀ. ਪੀ. ਐੱਸ. ਐਕਟ 1985 ਅਧੀਨ ਕੰਟਰੋਲਡ ਸ਼੍ਰੇਣੀ `ਚ ਆਉਂਦਾ ਹੈ । ਇਸ ਦੇ ਗੈਰ-ਕਾਨੂੰਨੀ ਨਿਰਮਾਣ ਤੇ ਵਪਾਰ ਨੂੰ ਇਕ ਗੰਭੀਰ ਅਪਰਾਧ ਮੰਨਿਆ ਜਾਂਦਾ ਹੈ ।
