ਨਵੀਂ ਦਿੱਲੀ, 20 ਜਨਵਰੀ 2026 : ਦੱਖਣੀ ਦਿੱਲੀ `ਚ `ਡਿਜੀਟਲ ਅਰੈਸਟ` (digital arrest) ਰਾਹੀਂ ਇਕ ਬਜ਼ੁਰਗ ਜੋੜੇ ਨਾਲ 14.85 ਕਰੋੜ ਰੁਪਏ ਦੀ ਠੱਗੀ (Fraud) ਮਾਰਨ ਦੇ ਦੋਸ਼ `ਚ 2 ਵਿਅਕਤੀਆਂ ਨੂੰ ਗ੍ਰਿਫ਼ਤਾਰ (Arrested) ਕੀਤਾ ਗਿਆ ਹੈ । ਇਕ ਅਧਿਕਾਰੀ ਨੇ ਇਹ ਜਾਣਕਾਰੀ ਦਿੱਤੀ ।
ਸਾਈਬਰ ਠੱਗਾਂ ਨੂੰ ਕੀਤਾ ਗਿਆ ਹੈ ਵਡੋਦਰਾ ਤੋਂ ਗ੍ਰਿਫਤਾਰ
ਪੁਲਸ ਨੇ ਦੱਸਿਆ ਕਿ ਦਿਵਿਆਂਗ ਪਟੇਲ (28) ਅਤੇ ਕ੍ਰਿਤਿਕ ਸਿ਼ਤੋਲੇ (26) ਗੁਜਰਾਤ ਦੇ ਰਹਿਣ ਵਾਲੇ ਹਨ । ਦੋਵਾਂ ਨੂੰ ਵਡੋਦਰਾ ਤੋਂ ਗ੍ਰਿਫ਼ਤਾਰ ਕੀਤਾ ਗਿਆ ਅਤੇ ਟ੍ਰਾਂਜ਼ਿਟ ਰਿਮਾਂਡ `ਤੇ ਦਿੱਲੀ ਲਿਆਂਦਾ ਗਿਆ । ਇਹ ਮਾਮਲਾ ਸਾਈਬਰ ਧੋਖਾਦੇਹੀ (Cyber fraud) ਨਾਲ ਸਬੰਧਤ ਹੈ, ਜਿਸ `ਚ ਗ੍ਰੇਟਰ ਕੈਲਾਸ਼ ਵਿਚ ਰਹਿਣ ਵਾਲੇ ਇਕ ਬਜ਼ੁਰਗ ਜੋੜੇ (Elderly couple) ਨੂੰ ਮੁਲਜ਼ਮਾਂ ਵੱਲੋਂ ਕਥਿਤ ਤੌਰ `ਤੇ `ਡਿਜੀਟਲ ਅਰੈਸਟ` ਵਿਚ ਰੱਖਿਆ ਗਿਆ ਅਤੇ ਉਨ੍ਹਾਂ ਨੂੰ ਵੱਡੀ ਰਕਮ ਟ੍ਰਾਂਸਫਰ ਕਰਨ ਲਈ ਮਜਬੂਰ ਕੀਤਾ ਗਿਆ ।