ਕੋਚੀ, 3 ਅਪ੍ਰੈਲ 2026 : ਭਾਰਤ ਦੇਸ਼ ਦੇ ਸੂਬੇ ਕੇਰਲ (Kerala) ਦੇ ਕੋਚੀ ਦੇ ਪੇਰੂਮਬਾਵਰ ਖੇਤਰ ਵਿਖੇ ਇਕ ਮਜ਼ਦੂਰ ਦਾ ਕੁੱਟ-ਕੁੱਟ ਕੇ ਕਤਲ (Murder) ਕਰ ਦਿੱਤੇ ਜਾਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ ।
ਕੀ ਹੈ ਪੂਰਾ ਮਾਮਲਾ
ਕੇਰਲ ਦੇ ਕੋਚੀ ਦੇ ਪੇਰੂਮਬਾਵੂਰ ਇਲਾਕੇ (Perumbavoor area) `ਚ ਬੁੱਧਵਾਰ ਸਵੇਰੇ ਆਸਾਮ ਦੇ ਇਕ ਮਜ਼ਦੂਰ ਦਾ ਉਸ ਦੇ ਜੱਦੀ ਸੂਬੇ ਦੇ 6 ਸਹਿਕਰਮੀਆਂ ਨੇ ਕਥਿਤ ਤੌਰ `ਤੇ ਫ਼ੋਨ ਚੋਰੀ ਕਰਨ ਦੇ ਸ਼ੱਕ `ਚ ਕੁੱਟ-ਕੁੱਟ (Beating) ਕੇ ਕਤਲ ਕਰ ਦਿੱਤਾ । ਪੁਲਸ ਨੇ ਇਹ ਜਾਣਕਾਰੀ ਦਿੱਤੀ । ਪੇਰੂਮਬਾਵੂਰ ਥਾਣੇ ਦੇ ਇਕ ਅਧਿਕਾਰੀ ਨੇ ਦੱਸਿਆ ਕਿ ਸਾਰੇ 6 ਮੁਲਜ਼ਮਾਂ ਨੂੰ ਹਿਰਾਸਤ `ਚ ਲੈ ਲਿਆ ਗਿਆ ਹੈ ਅਤੇ ਉਨ੍ਹਾਂ ਤੋਂ ਪੁੱਛਗਿੱਛ ਕੀਤੀ ਜਾ ਰਹੀ ਹੈ ।
ਕੀ ਆਖਿਆ ਪੁਲਸ ਅਧਿਕਾਰੀ ਨੇ
ਅਧਿਕਾਰੀ ਨੇ ਦੱਸਿਆ ਕਿ ਫਿਲਹਾਲ ਉਨ੍ਹਾਂ ਨੂੰ ਰਸਮੀ ਤੌਰ `ਤੇ ਗ੍ਰਿਫ਼ਤਾਰ ਨਹੀਂ ਕੀਤਾ ਗਿਆ ਹੈ ਅਤੇ ਮਾਮਲਾ ਦਰਜ ਕੀਤਾ ਜਾਣਾ ਬਾਕੀ ਹੈ । ਉਨ੍ਹਾਂ ਕਿਹਾ ਕਿ ਅਸੀਂ ਸਾਰੀਆਂ ਜਾਣਕਾਰੀਆਂ ਜੁਟਾ ਰਹੇ ਹਾਂ । ਪੁਲਸ ਨੇ ਕਿਹਾ ਕਿ 25 ਸਾਲਾ ਜਿਸ ਵਿਅਕਤੀ ਦੀ ਮੌਤ ਹੋਈ ਹੈ, ਉਹ ਅਤੇ 6 ਮੁਲਜ਼ਮ ਪੇਰੂਮਬਾਵੂਰ ਦੇ ਪਲਾਈਵੁੱਡ ਕਾਰਖਾਨੇ `ਚ ਕੰਮ ਕਰਦੇ ਸਨ ।
