ਚੰਡੀਗੜ੍ਹ, 15 ਸਤੰਬਰ 2026 : ਪੰਜਾਬ ਦੀ ਰਾਜਧਾਨੀ ਚੰਡੀਗੜ੍ਹ (Chandigarh) ਅਧੀਨ ਆਉਂਦੇ ਖੇਤਰ ਮਨੀਮਾਜਰਾ ਦੀ ਪੁਲਸ ਨੇ ਇਕ ਨੌਜਵਾਨ ਨੂੰ ਹੈਰੋਇਨ ਸਮੇਤ ਗ੍ਰਿਫ਼ਤਾਰ (Arrested) ਕੀਤਾ ਹੈ ।
ਕੌਣ ਹੈ ਇਹ ਨੌਜਵਾਨ
ਮਿਲੀ ਜਾਣਕਾਰੀ ਅਨੁਸਾਰ ਮਨੀਮਾਜਰਾ ਪੁਲਸ (Manimajra Police) ਵਲੋਂ ਨਸ਼ਾ ਤਸਕਰੀ ਖਿ਼ਲਾਫ਼ ਕਾਰਵਾਈ ਕਰਦਿਆਂ ਜੋ ਅੱਜ ਇਕ 27 ਸਾਲਾ ਨੌਜਵਾਨ ਨੂੰ 12.71 ਗ੍ਰਾਮ ਹੈਰੋਇਨ (Heroin) ਸਮੇਤ ਗ੍ਰਿਫ਼ਤਾਰ ਕੀਤਾ ਹੈ ਦੀ ਪਛਾਣ ਮਨੀਮਾਜਰਾ ਵਾਸੀ ਉਤੇਸ਼ ਉਰਫ਼ ਉਦਿਤ ਵਜੋਂ ਹੋਈ ਹੈ । ਦੱਸਣਯੋਗ ਹੈ ਕਿ ਪਕੜਿਆ ਗਿਆ ਨੌਜਵਾਨ ਪੇਸ਼ੇ ਤੋਂ ਸਵੀਗੀ ਡਿਲੀਵਰੀ ਬੁਆਏ ਹੈ ਅਤੇ ਪੁਲਸ ਮੁਤਾਬਕ ਉਸ ਖਿ਼ਲਾਫ਼ ਪਹਿਲਾਂ ਕੋਈ ਅਪਰਾਧਿਕ ਮਾਮਲਾ ਦਰਜ ਨਹੀਂ ਹੈ । ਪੁਲਸ ਨੇ ਉਸ ਦੇ ਖਿ਼ਲਾਫ਼ ਐਨ. ਡੀ. ਪੀ. ਐਸ. ਐਕਟ ਤਹਿਤ ਕੇਸ ਦਰਜ ਕਰਕੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ ।
ਪੁਲਸ ਨੇ ਰੋਕਿਆ ਸੀ ਸ਼ੱਕ ਦੇ ਆਧਾਰ ‘ਤੇ
ਪ੍ਰਾਪਤ ਸੂਚਨਾ ਮੁਤਾਬਕ ਮਨੀਮਾਜਰਾ ਥਾਣਾ ਪੁਲਸ ਦੀ ਟੀਮ ਜੋ ਡੀ. ਸੀ. ਮੋਂਟੇਸਰੀ ਸਕੂਲ ਨੇੜੇ ਗਸ਼ਤ ਕਰ ਰਹੀ ਸੀ ਨੇ ਇਸੇ ਦੌਰਾਨ ਸ਼ੱਕੀ ਗਤੀਵਿਧੀ ਦੇ ਆਧਾਰ ’ਤੇ ਉਤੇਸ਼ ਨੂੰ ਰੋਕ ਕੇ ਜਦੋਂ ਉਸ ਦੀ ਤਲਾਸ਼ੀ ਲਈ ਤਾਂ ਤਲਾਸ਼ੀ ਦੌਰਾਨ ਉਸ ਕੋਲੋਂ ਪੋਲੀਥਿਨ ਦੀ ਇੱਕ ਪੁੜੀ ਬਰਾਮਦ ਹੋਈ, ਜਿਸ ਵਿੱਚ ਹਲਕੇ ਭੂਰੇ ਰੰਗ ਦਾ ਪਦਾਰਥ ਸੀ ।
