ਮੁਜ਼ੱਫਰਪੁਰ, 21 ਅਗਸਤ 2026 : ਭਾਰਤ ਦੇਸ਼ ਦੇ ਸੂਬੇ ਬਿਹਾਰ (Bihar) ਦੇ ਜਿਲਾ ਮੁਜੱਫਰਪੁਰ ਦੇ ਪਿੰਡ ਉਤਰ ਟੋਲਾ ਵਿਖੇ ਇਕ ਮਾਂ ਵਲੋਂ ਆਪਣੇ ਹੀ ਪੁੱਤਰ ਨੂੰ ਜਹਿਰ (Poison) ਦੇ ਕੇ ਮਾਰ ਦਿੱਤਾ ਗਿਆ ਹੈ ।
ਕੌਣ ਹੈ ਇਹ ਮਹਿਲਾ
ਮਿਲੀ ਜਾਣਕਾਰੀ ਅਨੁਸਾਰ ਜਿਲਾ ਮੁਜੱਫਰਪੁਰ (District Muzaffarpur) ਦੇ ਰਾਜਮਪੁਰਹਰੀ ਥਾਣਾ ਖੇਤਰ ਦੇ ਟੇਂਗਰਾਹਾਂ ਉਤਰ ਟੋਲਾ ਪਿੰਡ ਵਿਖੇ ਇਕ ਵਲੋਂ ਜੋ ਆਪਣੇ ਹੀ ਢਾਈ ਸਾਲਾ ਪੁੱਤਰ ਨੂੰ ਬਿਸਕੁੱਟ ਵਿਚ ਜਹਿਰ ਦੇ ਕੇ ਮੌਤ (Death) ਦੇ ਘਾਟ ਉਤਾਰ ਦਿੱਤਾ ਗਿਆ ਹੈ ਵਿਚ ਮਹਿਲਾ ਦੀ ਪਛਾਣ ਆਰਤੀ ਕੁਮਾਰੀ ਦੇ ਤੌਰ ‘ਤੇ ਹੋਈ ਹੈ । ਦੱਸਣਯੋਗ ਹੈ ਕਿ ਉਕਤ ਮਹਿਲਾ ਆਪਣੇ ਹੀ ਪਤੀ ਨਾਲ ਅਕਸਰ ਝਗੜਾ ਹੁੰਦਾ ਰਹਿੰਦਾ ਸੀ ।
ਕੀ ਦੱਸਿਆ ਬੱਚੇ ਦੇ ਦਾਦਾ ਤੇ ਦਾਦੀ ਨੇ
ਉਪਰੋਕਤ ਵਾਪਰੇ ਭਿਆਨਕ ਘਟਨਾਕ੍ਰਮ ਸਬੰਧੀ ਜਾਣਕਾਰੀ ਦਿੰਦਿਆਂ ਬੱਚੇ ਦੇ ਦਾਦਾ ਤੇ ਦਾਦੀ ਨੇ ਦੱਸਿਆ ਕਿ ਆਰਤੀ ਜੋ ਕਿ 15 ਕੁ ਦਿਨ ਪਹਿਲਾਂ ਹੀ ਆਪਣੇ ਪੇਕੇ ਘਰ ਤੋਂ ਵਾਪਸ ਸਹੁਰੇ ਘਰ ਪਰਤੀ ਸੀ ਨੇ ਵੀਰਵਾਰ ਦੀ ਦੁਪਹਿਰ ਘਰ ਤੋਂ 200 ਮੀਟਰ ਦੂਰ ਬਾਗ ਵਿਚ ਬੱਚੇ ਨੂੰ ਲਿਜਾ ਕੇ ਬਿਸਕੁੱਟ ਵਿਚ ਜਹਿਰੀਲਾ ਪਦਾਰਥ (Toxic substance) ਮਿਲਾ ਕੇ ਖੁਆ ਦਿੱਤਾ, ਜਿਸ ਕਾਰਨ ਮਾਸੂਮ ਆਰੀਅਨ ਦੀ ਹਾਲਤ ਵਿਗੜਨ ਤੋਂ ਬਾਅਦ ਮੌਤ ਹੋ ਗਈ । ਪੁਲਸ ਨੇ ਦਾਦਾ ਤੇ ਦਾਦੀ ਦੀ ਸਿ਼ਕਾਇਤ ਦੇ ਆਧਾਰ ਤੇ ਮਹਿਲਾ ਨੂੰ ਗ੍ਰਿਫ਼ਤਾਰ (Arrested) ਕਰ ਲਿਆ ਹੈ ।
ਕੀ ਦੱਸਿਆ ਥਾਣਾ ਮੁਖੀ ਨੇ
ਥਾਣਾ ਮੁਖੀ ਅੰਜਲੀ ਕੁਮਾਰੀ ਨੇ ਦੱਸਿਆ ਕਿ ਮੌਕੇ ਤੋਂ ਜ਼ਹਿਰ ਦੀ ਸ਼ੀਸ਼ੀ ਅਤੇ ਬਿਸਕੁਟ ਦਾ ਪੈਕੇਟ ਬਰਾਮਦ ਕੀਤਾ ਗਿਆ ਹੈ । ਸੂਚਨਾ ਮਿਲਣ ਤੋਂ ਬਾਅਦ ਐੱਫ. ਐੱਸ. ਐੱਲ. ਦੀ ਟੀਮ ਨੇ ਮੌਕੇ `ਤੇ ਪਹੁੰਚ ਕੇ ਜਾਂਚ ਲਈ ਜ਼ਰੂਰੀ ਸਬੂਤ ਇਕੱਠੇ ਕੀਤੇ ਹਨ । ਪੁਲਸ ਨੇ ਬੱਚੇ ਦੀ ਲਾਸ਼ ਨੂੰ ਪੋਸਟਮਾਰਟਮ (Postmortem) ਲਈ ਐੱਸ. ਕੇ. ਐੱਮ. ਸੀ. ਐੱਚ. ਭੇਜ ਦਿੱਤਾ ਹੈ, ਜਿੱਥੇ ਜਾਂਚ ਲਈ ਵਿਸਰਾ ਸੁਰੱਖਿਅਤ ਰੱਖਿਆ ਗਿਆ ਹੈ ।
