ਚੰਡੀਗੜ੍ਹ, 2 ਅਪ੍ਰੈਲ 2026 : ਪੰਜਾਬ ਦੇ ਕਰੋੜਾਂ ਲਾਭਪਾਤਰੀ ਰਾਸ਼ਨ ਕਾਰਡ ਧਾਰਕਾਂ (Ration card holders) ਨੂੰ ਪੰਜਾਬ ਸਰਕਾਰ ਵਲੋਂ ਛੇਤੀ ਹੀ ਸਮਾਰਟ ਰਾਸ਼ਨ ਕਾਰਡ (Smart Ration Card) ਵੰਡਣ ਦੀ ਤਿਆਰੀ ਕੀਤੀ ਜਾ ਰਹੀ ਹੈ ।
ਕੀ ਕਾਰਨ ਰਿਹਾ ਅਜਿਹਾ ਕਰਨ ਦਾ
ਮਿਲੀ ਜਾਣਕਾਰੀ ਅਨੁਸਾਰ ਪੰਜਾਬ ਸਰਕਾਰ (Punjab Government) ਵਲੋਂ ਜੋ ਛੇਤੀ ਹੀ ਸਮਾਰਟ ਰਾਸ਼ਨ ਕਾਰਡ ਵੰਡ ਪ੍ਰਕਿਰਿਆ ਸ਼ੁਰੂ ਕੀਤੇ ਜਾਣ ਦੀ ਯੋਜਨਾ ਨੂੰ ਅਮਲੀ ਜਾਮਾ ਪਾਇਆ ਜਾ ਰਿਹਾ ਹੈ ਦਾ ਮੁੱਖ ਕਾਰਨ ਪੰਜਾਬ ‘ਚ ਰਾਸ਼ਨ ਵੰਡ ਪ੍ਰਣਾਲੀ (Ration distribution system) ਨੂੰ ਮਜ਼ਬੂਤ ਕਰਨ ਅਤੇ ਬਾਇਓਮੈਟ੍ਰਿਕ ਤਸਦੀਕ ਦੀਆਂ ਸਮੱਸਿਆਵਾਂ ਨੂੰ ਖਤਮ ਕਰਨਾ ਹੈ । ਕਿਉਂਕਿ ਪੰਜਾਬ ਸਰਕਾਰ ਦੇ ਧਿਆਨ ਵਿਚ ਆਇਆ ਹੈ ਕਿ ਬਾਇਓਮੈਟ੍ਰਿਕ ਤਸ਼ਦੀਕ ਪ੍ਰਣਾਲੀ ਦੇ ਚਲਦਿਆਂ ਪੰਜਾਬ ਦੇ 39 ਲੱਖ ਰਾਸ਼ਨ ਕਾਰਡ ਧਾਰਕਾਂ ਵਿਚੋਂ ਵੱਡੀ ਗਿਣਤੀ ਵਿਚ ਰਾਸ਼ਨ ਕਾਰਡ ਧਾਰਕ ਰਾਸ਼ਨ ਦੀ ਸਹੂਲਤ ਪ੍ਰਾਪਤ ਕਰਨ ਵਿਚ ਮੁਸ਼ਕਲਾਂ ਦਾ ਸਾਹਮਣਾ ਕਰਦੇ ਹਨ । ਦੱਸਣਯੋਗ ਹੈ ਕਿ 39 ਲੱਖ ਰਾਸ਼ਨ ਕਾਰਡ ਨਾਲ 1. 5 ਕਰੋੜ ਲਾਭਪਾਤਰੀ ਜੁੜੇ ਹੋਏ ਹਨ ।
ਕੀ ਕੀ ਦਰਜ ਹੋਵੇਗਾ ਸਮਾਰਟ ਰਾਸ਼ਨ ਕਾਰਡਾਂ ਵਿਚ
ਜਾਣਕਾਰੀ ਮੁਤਾਬਕ ਸਮਾਰਟ ਰਾਸ਼ਨ ਕਾਰਡ ਜੋ ਕਿ ਤਿਆਰ-ਬਰ-ਤਿਆਰ ਹਨ ਦੀ ਵੰਡ ਕਰਕੇ ਛੇਤੀ ਹੀ ਡਿਪੂਆਂ ਤੇ ਪਹੁੰਚਾ ਦਿੱਤੇ ਜਾਣਗੇ । ਅਧਿਕਾਰੀਆਂ ਮੁਤਾਬਕ ਨਵੇਂ ਸਮਾਰਟ ਕਾਰਡ ਹੁਣ ਰਾਸ਼ਨ ਲਾਭਪਾਤਰੀਆਂ ਲਈ ਇਕ ਜਾਇਜ਼ ਪਛਾਣ ਵਿਧੀ ਵਜੋਂ ਕੰਮ ਕਰਨਗੇ ਤੇ ਇਸ ਨਾਲ ਇਹ ਯਕੀਨੀ ਹੋ ਸਕੇਗਾ ਕਿ ਕੋਈ ਵੀ ਲਾਭਪਾਤਰੀ ਸਿਰਫ਼ ਬਾਇਓਮੈਟ੍ਰਿਕ ਅਸਫਲਤਾ ਕਾਰਨ ਆਪਣੇ ਰਾਸ਼ਨ ਤੋਂ ਵਾਂਝਾ ਨਾ ਰਹੇ । ਸਮਾਰਟ ਰਾਸ਼ਨ ਕਾਰਡਾਂ ਵਿਚ ਜ਼ਰੂਰੀ ਲਾਭਪਾਤਰੀ ਜਾਣਕਾਰੀ ਸ਼ਾਮਲ ਹੋਵੇਗੀ, ਜਿਵੇਂ ਕਿ ਸ਼੍ਰੇਣੀ, ਰਾਸ਼ਨ ਕਾਰਡ ਨੰਬਰ, ਪਰਿਵਾਰ ਦੇ ਮੁਖੀ ਦੇ ਵੇਰਵੇ, ਅਤੇ ਜਾਰੀਕਰਤਾ ਦੀ ਜਾਣਕਾਰੀ । ਇਹ ਕਣਕ ਦੀ ਵੰਡ ਦੌਰਾਨ ਤੇਜ਼ ਅਤੇ ਭਰੋਸੇਯੋਗ ਪਛਾਣ ਨੂੰ ਸਮਰੱਥ ਬਣਾਏਗਾ ।
