ਟਾਂਡਾ ਉੜਮੁੜ, 7 ਜੁਲਾਈ 2026 : ਪਿੰਡ ਓਹੜਪੁਰ (Village Oharpur) -ਬੱਸੀ ਜਲਾਲ ਸੰਪਰਕ ਮਾਰਗ `ਤੇ ਆਵਾਰਾ ਕੁੱਤਿਆਂ (Stray dogs) ਦੇ ਝੁੰਡ ਨੇ ਖੇਤ ਮਜ਼ਦੂਰਾਂ ਦੀ 4 ਸਾਲਾ ਧੀ `ਤੇ ਨੂੰ ਨੋਚ-ਨੋਚ (Notch-notch) ਕੇ ਮਾਰ ਦਿੱਤਾ ।
ਬੱਚੀ ਨੂੰ ਇਕੱਲੀ ਦੇਖ ਕੁੱਤਿਆਂ ਦੇ ਝੰਡ ਨੇ ਕਰ ਦਿੱਤਾ ਸੀ ਹਮਲਾ
ਮਿਲੀ ਜਾਣਕਾਰੀ ਅਨੁਸਾਰ ਉੱਤਰ ਪ੍ਰਦੇਸ਼ ਦੇ ਲਖੀਮਪੁਰ ਖੀਰੀ ਜਿਲ੍ਹੇ ਦੇ ਧਿਆਨਪੁਰ ਪਿੰਡ ਦੇ ਰਹਿਣ ਵਾਲੇ ਰਾਮ ਜੀਵਨ ਅਤੇ ਉਸ ਦੀ ਪਤਨੀ ਪ੍ਰੀਤੀ ਜੋ ਕਿ ਪਿੰਡ ਬੱਸੀ ਜਲਾਲ ਨੇੜੇ ਇੱਕ ਕਿਸਾਨ ਦੇ ਖੇਤ ਵਿੱਚ ਝੋਨੇ ਦੀ ਰੋਪਾਈ ਕਰ ਰਹੇ ਸਨ ਨੇ ਆਪਣੀ ਧੀ ਗੁਨਗੁਨ ਨੂੰ ਖੇਤ ਤੋਂ ਕਰੀਬ 100 ਮੀਟਰ ਦੂਰ ਮੋਟਰ ਕੋਲ ਦਰੱਖਤ ਦੀ ਛਾਂ ਹੇਠ ਲਿਟਾ ਰੱਖਿਆ ਸੀ ।
ਬੱਚੀ ਨੇ ਤੋੜ ਦਿੱਤਾ ਇਲਾਜ ਦੌਰਾਨ ਦਮ
ਇਸ ਦੌਰਾਨ ਆਵਾਰਾ ਕੁੱਤਿਆਂ ਦੇ ਝੁੰਡ ਨੇ ਅਚਾਨਕ ਬੱਚੀ `ਤੇ ਹਮਲਾ (Attack on girl) ਕਰ ਦਿੱਤਾ ਅਤੇ ਉਸ ਨੂੰ ਘਸੀਟ ਕੇ ਲੈ ਗਏ । ਬੱਚੀ ਦੀਆਂ ਚੀਖਾਂ ਸੁਣ ਕੇ ਉਸ ਦੇ ਮਾਪੇ ਅਤੇ ਹੋਰ ਪਰਿਵਾਰਕ ਮੈਂਬਰ ਮੌਕੇ `ਤੇ ਪਹੁੰਚੇ ਤਾਂ ਗੁਨਗੁਨ ਗੰਭੀਰ ਰੂਪ ਵਿੱਚ ਜ਼ਖ਼ਮੀ (Injured) ਹਾਲਤ ਵਿੱਚ ਪਈ ਸੀ । ਪਰਿਵਾਰਕ ਮੈਂਬਰ ਤੁਰੰਤ ਉਸ ਨੂੰ ਟਾਂਡਾ ਦੇ ਸਰਕਾਰੀ ਹਸਪਤਾਲ ਲੈ ਗਏ। ਉੱਥੇ ਡਾਕਟਰਾਂ ਨੇ ਮੁੱਢਲੀ ਸਹਾਇਤਾ ਦੇਣ ਤੋਂ ਬਾਅਦ ਉਸ ਦੀ ਗੰਭੀਰ ਹਾਲਤ ਨੂੰ ਦੇਖਦੇ ਹੋਏ ਹੋਸਿ਼ਆਰਪੁਰ ਰੈਫਰ ਕਰ ਦਿੱਤਾ। ਉੱਥੇ ਦੇਰ ਰਾਤ ਇਲਾਜ ਦੌਰਾਨ ਗੁਨਗੁਨ ਨੇ ਦਮ ਤੋੜ (Death) ਦਿੱਤਾ ।
