ਨਵੀਂ ਦਿੱਲੀ, 11 ਮਾਰਚ 2026 : ਭਾਰਤ ਦੇਸ਼ ਦੇ ਸੂਬੇ ਉਤਰ ਪ੍ਰਦੇਸ਼ (Uttar Pradesh) ਦੇ ਸ਼ਹਿਰ ਗਾਜੀਆਬਾਦ ਦੇ ਵਸਨੀਕ ਹਰੀਸ਼ ਰਾਣਾ ਨੂੰ ਸੁਪਰੀਮ ਕੋਰਟ (Supreme Court) ਨੇ ਇੱਛਾ ਮੌਤ ਦੀ ਮਨਜ਼ੂਰੀ ਦੇ ਹੀ ਦਿੱਤੀ ਹੈ ।
ਕੌਣ ਸੀ ਹਰੀਸ਼ ਰਾਣਾ ਤੇ ਕੀ ਹੋ ਗਿਆ ਸੀ ਉਸਨੂੰ
ਮਾਨਯੋਗ ਸੁਪਰੀਮ ਕੋਰਟ ਨੇ ਜੋ ਹਰੀਸ਼ ਰਾਣਾਨਾਮ ਦੇ ਨੌਜਵਾਨ ਨੂੰ ਇੱਛਾ ਮੌਤ (Passive Euthanasia) (ਪੈਸਿਵ ਯੂਥੇਨੇਸ਼ੀਆ) ਦੀ ਮਨਜ਼ੂਰੀ ਦਿੱਤੀ ਹੈ ਦਾ ਕਾਰਨ ਹੈ ਕਿ ਹਰੀਸ਼ ਰਾਣਾ ਦੇ ਸਰੀਰ ਅੰਦਰ ਪਿਛਲੇ 13 ਸਾਲਾਂ ਤੋਂ ਕੋਈ ਵੀ ਹਰਕਤ ਨਾ ਹੋਣਾ । ਦੱਸਣਯੋਗ ਹੈ ਕਿ ਹਰੀਸ਼ ਰਾਣਾ (Harish Rana) 20 ਅਗਸਤ 2013 ਨੂੰ ਪੀ. ਜੀ. ਦੀ ਚੌਥੀ ਮੰਜਿ਼ਲ ਤੋਂ ਅਚਾਨਕ ਹੀ ਹੇਠਾਂ ਡਿੱਗ ਗਿਆ ਸੀ, ਜਿਸ ਤੋਂ ਬਾਅਦ ਉਸਦਾ ਇਲਾਜ ਉਸਦੇ ਮਾਪਿਆਂ ਨੇ ਹਰ ਥਾਂ ਕਰਵਾਇਆ ਪਰ ਕੋਈ ਵੀ ਹਾਂ ਪੱਖੀ ਜਵਾਬ ਨਾ ਮਿਲਣ ਦੇ ਚਲਦਿਆਂ ਅਖੀਰਕਾਰ ਸੁਪਰੀਮ ਕੋਰਟ ਨੇ ਹਰੀਸ਼ ਰਾਣਾ ਦੀ ਅਜਿਹੀ ਹਾਲਾਤ ਨੂੰ ਦੇਖਦਿਆਂ ਉਸਨੂੰ ਇੱਛਾ ਮੌਤ ਦੀ ਮਨਜ਼ੂਰੀ ਦੇ ਦਿੱਤੀ ।
ਭਾਰਤ ਵਿਚ ਹੈ ਇਹ ਪਹਿਲਾ ਫ਼ੈਸਲਾ
ਜਾਣਕਾਰੀ ਮੁਤਾਬਕ ਭਾਰਤ ਵਿਚ ਇਹ ਆਪਣੀ ਤਰ੍ਹਾਂ ਦਾ ਪਹਿਲਾ ਮਾਮਲਾ ਹੈ, ਜਿਥੇ ਅਦਾਲਤ ਨੇ ਕਿਸੇ ਵਿਅਕਤੀ ਨੂੰ ਅਜਿਹੀ ਇਜਾਜ਼ਤ ਦਿੱਤੀ ਹੋਵੇ । ਡਿੱਗਣ ਕਰਕੇ ਹਰੀਸ਼ ਦੇ ਸਿਰ ਵਿਚ ਗੰਭੀਰ ਸੱਟਾਂ ਲੱਗੀਆਂ,ਜਿਸ ਕਾਰਨ ਉਸਦੇ ਦਿਮਾਗ ਦੀਆਂ ਨਸਾਂ ਤੱਕ ਸੁੱਕ ਗਈਆਂ ਪਰ ਹਰੀਸ਼ ਦੇ ਪਿਤਾ ਅਸ਼ੋਕ ਰਾਣਾ ਨੇ ਹਾਰ ਨਾ ਮੰਨਦਿਆਂ ਇਲਾਜ ਕਰਵਾਇਆ ਪਰ ਉਸਦੇ ਸਰੀਰ ਵਿਚ ਕਦੇ ਕਦਾਈ ਅੱਖਾਂ ਦੀ ਪਲਕਾਂ ਝਪਕਣ ਤੋਂ ਸਿਵਾਏ ਕੋਈ ਹਰਕਤ ਨਹੀਂ ਸੀ, ਜਿਸ ਕਾਰਨ ਅਖੀਰਕਾਰ ਇਹ ਕਦਮ ਚੁੱਕਣਾ ਪਿਆ ।
