ਅਹਿਮਦਾਬਾਦ, 3 ਜੁਲਾਈ 2026 : ਭਾਰਤ ਦੇਸ਼ ਦੇ ਸੂਬੇ ਗੁਜਰਾਤ (Gujarat) ਅਤੇ ਮੱਧ ਪ੍ਰਦੇਸ਼ (Madhya Pradesh) ਦੇ ਵੱਖ-ਵੱਖ ਜਿਲਿਆਂ ਤੋਂ ਜੈਸ਼-ਏ-ਮੁਹੰਮਦ ਨਾਲ ਜੁੜੇ ਮੁਲਜਮਾਂ ਨੂੰ ਗ੍ਰਿਫ਼ਤਾਰ ਕੀਤੇ ਜਾਣ ਦਾ ਸਮਾਚਾਰ ਹੈ ।
ਕਿੰਨੇ ਮੁਲਜਮਾਂ ਨੂੰ ਕੀਤਾ ਗਿਆ ਹੈ ਗ੍ਰਿਫ਼ਤਾਰ
ਮਿਲੀ ਜਾਣਕਾਰੀ ਅਨੁਸਾਰ ਪਾਬੰਦੀਸ਼ੁਦਾ ਅੱਤਵਾਦੀ ਸੰਗਠਨ ਜੈਸ਼-ਏ-ਮੁਹੰਮਦ (Jaish-e-Mohammed) ਨਾਲ ਜੁੜੇ ਜਿਨ੍ਹ੍ਹਾਂ ਮੁਲਜ਼ਮਾਂ ਨੂੰ ਗੁਜਰਾਤ ਅਤੇ ਮੱਧ ਪ੍ਰਦੇਸ਼ ਦੇ ਵੱਖ-ਵੱਖ ਜਿਲ੍ਹਿਆਂ ਤੋਂ ਗ੍ਰਿਫਤਾਰ (Arrested) ਕੀਤਾ ਗਿਆ ਹੈ ਦੀ ਗਿਣਤੀ 8 ਹੈ । ਜਾਣਕਾਰੀ ਮੁਤਾਬਕ ਪਕੜੇ ਗਏ ਮੁਲਜਮ ਗੁਜਰਾਤ ਸੂਬੇ ਵਿੱਚ ਜੈਸ਼-ਏ-ਮੁਹੰਮਦ ਦੀਆਂ ਅੱਤਵਾਦੀ ਗਤੀਵਿਧੀਆਂ ਨੂੰ ਅੱਗੇ ਵਧਾਉਣ ਲਈ ਇੱਕ ਸਰਗਰਮ ਨੈੱਟਵਰਕ ਤਿਆਰ ਕਰਨ ਲਈ ਸਰਗਰਮੀ ਨਾਲ ਕੰਮ ਕਰ ਰਹੇ ਸਨ । ਗੁਜਰਾਤ ਏ. ਟੀ. ਐੱਸ.(Gujarat A. T. S.) ਮੁਤਾਬਕ ਸਾਰੇ 8 ਮੁਲਜ਼ਮਾਂ ਖਿ਼ਲਾਫ਼ ਯੂ. ਏ. ਪੀ. ਏ. ਦੀਆਂ ਧਾਰਾਵਾਂ 13, 17, 18, 38, 39 ਅਤੇ ਬੀ. ਐੱਨ. ਐੱਸ. ਦੀਆਂ ਧਾਰਾਵਾਂ 148, 61 ਤਹਿਤ ਮਾਮਲਾ ਦਰਜ ਕੀਤਾ ਗਿਆ ਹੈ ।
ਜਿਨ੍ਹਾਂ 8 ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਹੈ ਵਿਚ
ਅਹਿਮਦ (ਸਪੁੱਤਰ ਅਬਦੁੱਲਾ ਗਾਜ਼ੀਵਾਲਾ), ਇਬਰਾਹੀਮ (ਸਪੁੱਤਰ ਮੁਹੰਮਦ ਹੁਸੈਨ ਘਾਘਾ), ਮੁਦੱਸਿਰ (ਸਪੁੱਤਰ ਅਬਦੁੱਲਾ ਗਾਜ਼ੀਵਾਲਾ), ਜ਼ਕਰੀਆ ਦੁਰਾਨੀ (ਸਪੁੱਤਰ ਮੁਹੰਮਦ ਅੰਮਾਰ ਘਾਘਾ), ਮੁਫ਼ਤੀ ਫੌਜਾਨ (ਸਪੁੱਤਰ ਇਸਮਾਈਲ ਦਾਊਵਾ), ਮੁਹੰਮਦ ਅਮੀਨ ਸ਼ੇਰਾ, ਮੁਹੰਮਦ ਅਬਦੁਲ (ਸਪੁੱਤਰ ਰਹਿਮਾਨ ਸਾਵਦੀ) ਅਤੇ ਬਿਲਾਲ ਮੁਹੰਮਦ (ਸਪੁੱਤਰ ਅੰਮਾਰ ਘਾਘਾ) ਸ਼ਾਮਲ ਹਨ।
