ਹਰਦੋਈ, 17 ਸਤੰਬਰ 2026 : ਉੱਤਰ ਪ੍ਰਦੇਸ਼ (Uttar Pradesh) ਦੇ ਹਰਦੋਈ ਜਿ਼ਲੇ `ਚ ਬੀਤੀ ਦੇਰ ਰਾਤ ਪਤੀ ਨੇ ਕਥਿਤ ਤੌਰ `ਤੇ ਸੁੱਤੀ ਪਈ ਪਤਨੀ ਦਾ ਚਾਕੂ ਨਾਲ ਗਲਾ ਵੱਢ ਕੇ ਕਤਲ (Murder) ਕਰ ਦਿੱਤਾ ਗਿਆ ਹੈ ।
ਥਾਣੇ ਪਹੁੰਚ ਕੇ ਪਤੀ ਨੇ ਕੀਤਾ ਆਤਮ-ਸਮਰਪਣ
ਮਿਲੀ ਜਾਣਕਾਰੀ ਅਨੁਸਾਰ ਜਿਲਾ ਹਰਦੋਈ (Hardoi District) ਵਿਖੇ ਜੋ ਬੀਤੀ ਦੇਰ ਰਾਤ ਇਕ ਪਤੀ ਵਲੋਂ ਆਪਣੀ ਹੀ ਪਤਨੀ ਦਾ ਸੁੱਤੀ ਪਈ ਦਾ ਚਾਕੂ ਨਾਲ ਗਲਾ ਵੱਢ ਕੇ ਕਤਲ ਕਰ ਦਿੱਤੇ ਜਾਣ ਦਾ ਘਟਨਾਕ੍ਰਮ ਵਾਪਰਿਆ ਹੈ ਵਾਲੇ ਮਾਮਲੇ ਵਿਚ ਵਾਰਦਾਤ ਤੋਂ ਬਾਅਦ ਪਤੀ ਨੇ ਥਾਣੇ `ਚ ਆਤਮ-ਸਮਰਪਣ (Self-surrender) ਕਰ ਦਿੱਤਾ । ਉਸ ਨੇ ਪੁਲਸ ਨੂੰ ਦੱਸਿਆ ਕਿ ਉਹ ਆਪਣੀ ਪਤਨੀ ਨੂੰ ਮਾਰ ਕੇ ਆਇਆ ਹੈ । ਪੁਲਸ ਨੇ ਉਸ ਨੂੰ ਹਿਰਾਸਤ `ਚ ਲੈ ਕੇ ਪੁੱਛਗਿੱਛ ਸ਼ੁਰੂ ਕਰ ਦਿੱਤੀ ।
ਕੌਣ ਹੈ ਇਹ ਮ੍ਰਿਤਕਾ
ਪੁਲਸ ਮੁਤਾਬਕ ਘਟਨਾ ਕੋਤਵਾਲੀ ਸ਼ਹਿਰ ਖੇਤਰ ਦੇ ਇਸਲਾਮਨਗਰ ਟਿਲੀਆ ਮੁਹੱਲੇ `ਚ ਮੰਗਲਵਾਰ ਰਾਤ ਕਰੀਬ ਡੇਢ ਵਜੇ ਹੋਈ । ਮ੍ਰਿਤਕਾ ਦੀ ਪਛਾਣ ਨਗਮਾ (30) ਵਜੋਂ ਹੋਈ ਹੈ । ਨਗਮਾ ਅਤੇ ਉਸ ਦਾ ਪਤੀ ਪ੍ਰਵੇਜ਼ ਲੱਗਭਗ ਡੇਢ ਮਹੀਨੇ ਤੋਂ ਕਿਰਾਏ `ਤੇ ਰਹਿ ਰਹੇ ਸਨ । ਦੋਵੇਂ ਮੂਲ ਰੂਪ `ਚ ਵੇਟਗੰਜ ਮੁਹੱਲੇ ਦੇ ਵਾਸੀ ਦੱਸੇ ਗਏ ਹਨ । ਪੁਲਸ ਨੇ ਦੱਸਿਆ ਕਿ ਪ੍ਰਵੇਜ਼ ਟੈਕਸੀ ਸਟੈਂਡ `ਚ ਚਾਰ-ਪਹੀਆ ਵਾਹਨ ਚਲਾਉਂਦਾ ਹੈ । ਉਸ ਨੂੰ ਸ਼ੱਕ ਸੀ ਕਿ ਉਸ ਦੀ ਪਤਨੀ ਦੇ ਕਿਸੇ ਹੋਰ ਵਿਅਕਤੀ ਨਾਲ ਸਬੰਧ ਹਨ ।
