ਨੌਜਵਾਨ ਨੇ ਪਤਨੀ ਤੇ ਧੀ ਦੀ ਹੱਤਿਆ ਤੋਂ ਬਾਅਦ ਕੀਤਾ ਆਤਮ-ਸਮਰਪਣ

ਜੈਪੁਰ, 13 ਮਾਰਚ 2026 : ਜੈਪੁਰ (Jaipur) ਜਿਲੇ `ਚ ਇਕ ਨੌਜਵਾਨ ਨੇ ਆਪਣੀ ਪਤਨੀ ਤੇ 8 ਸਾਲ ਦੀ ਧੀ ਦੀ ਕਥਿਤ ਤੌਰ `ਤੇ ਹੱਤਿਆ (Murder) ਕਰਨ ਤੋਂ ਬਾਅਦ ਪੁਲਸ ਦੇ ਸਾਹਮਣੇ ਆਤਮ-ਸਮਰਪਣ ਕਰ ਦਿੱਤਾ । ਪੁਲਸ ਅਨੁਸਾਰ ਇਹ ਘਟਨਾ ਬੁੱਧਵਾਰ ਦੇਰ ਰਾਤ ਕਰੀਬ ਇਕ ਵਜੇ ਮੋਖਮਪੁਰਾ ਥਾਣਾ ਖੇਤਰ ਦੇ ਬਿਚੂਨ ਪਿੰਡ `ਚ ਹੋਈ ।

ਪਤਨੀ ਤੇ ਧੀ ਨੂੰ ਕਿਵੇਂ ਮਾਰਿਆ ਮੁਲਜਮ ਨੇ

ਦੁਦੂ ਦੇ ਪੁਲਸ ਉਪ-ਕਪਤਾਨ ਦੀਪਕ ਖੰਡੇਲਵਾਲ ਨੇ ਦੱਸਿਆ ਕਿ ਮੁਲਜ਼ਮ ਸੁਖਜੀਤ ਨੇ ਆਪਣੀ ਪਤਨੀ ਸਰੋਜ ਦੇਵੀ (35) `ਤੇ ਤਲਵਾਰ ਨਾਲ ਹਮਲਾ ਕੀਤਾ ਅਤੇ ਆਪਣੀ ਧੀ ਵੰਸਿਕਾ (8) ਦਾ ਗਲਾ ਘੁੱਟ ਦਿੱਤਾ । ਦੋਵਾਂ ਦੀ ਮੌਕੇ `ਤੇ ਹੀ ਮੌਤ ਹੋ ਗਈ । ਵਾਰਦਾਤ ਤੋਂ ਬਾਅਦ ਮੁਲਜ਼ਮ ਘਰੋਂ ਨਿਕਲ ਗਿਆ ਅਤੇ ਬਾਅਦ `ਚ ਮੋਖਮਪੁਰਾ ਥਾਣੇ ਪਹੁੰਚਿਆ ਅਤੇ ਆਤਮ-ਸਮਰਪਣ (Surender) ਕਰ ਦਿੱਤਾ ।

ਪੁਲਸ ਜਾਂਚ ਵਿਚ ਹੱਤਿਆਵਾਂ ਦਾ ਕਾਰਨ ਆਰਥਿਕ ਤੰਗੀ ਹੋ ਸਕਦਾ

ਉਸ ਨੇ ਪੁਲਸ ਨੂੰ ਦੱਸਿਆ ਕਿ ਉਸ ਨੇ ਆਪਣੀ ਪਤਨੀ ਅਤੇ ਧੀ ਦੀ ਹੱਤਿਆ ਕਰ ਦਿੱਤੀ ਹੈ । ਪੁਲਸ ਨੇ ਲਾਸ਼ਾਂ ਨੂੰ ਕਬਜ਼ੇ `ਚ ਲੈ ਕੇ ਪੋਸਟਮਾਰਟਮ (Postmortem) ਲਈ ਰਖਵਾ ਦਿੱਤਾ । ਪੁਲਸ ਅਨੁਸਾਰ ਟੀਮ ਨੇ ਮੌਕੇ ਤੋਂ ਸਬੂਤ ਇਕੱਠੇ ਕੀਤੇ ਹਨ । ਪੁਲਸ ਨੇ ਕਿਹਾ ਕਿ ਸ਼ੁਰੂਆਤੀ ਜਾਂਚ ਤੋਂ ਪਤਾ ਲੱਗਦਾ ਹੈ ਕਿ ਇਨ੍ਹਾਂ ਹੱਤਿਆਵਾਂ ਦਾ ਕਾਰਨ ਆਰਥਿਕ ਤੰਗੀ ਹੋ ਸਕਦਾ ਹੈ । ਮੁਲਜ਼ਮ ਦਿਹਾੜੀ `ਤੇ ਕੰਮ ਕਰਦਾ ਹੈ ਅਤੇ ਪਰਿਵਾਰ ਦੇ ਨਾਲ ਪਿੰਡ `ਚ ਆਪਣੇ ਘਰ `ਚ ਰਹਿੰਦਾ ਸੀ ।