ਇਸਲਾਮਾਬਾਦ, 2 ਮਾਰਚ 2026 : ਪਾਕਿਸਤਾਨੀ ਕ੍ਰਿਕਟ ਬੋਰਡ ਵਲੋਂ ਪਾਕਿਸਤਾਨੀ ਕ੍ਰਿਕਟ ਟੀਮ (Pakistani cricket team) ਦੇ ਖਿਡਾਰੀਆਂ ਵਿਰੁੱਧ ਹੀ ਇਕ ਵੱਡਾ ਕਦਮ ਚੁੱਕੇ ਜਾਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ ।
ਕੀ ਕਦਮ ਚੁੱਕਿਆ ਗਿਆ ਹੈ ਪੀ. ਕੇ. ਬੀ. ਵਲੋਂ
ਮਿਲੀ ਜਾਣਕਾਰੀ ਅਨੁਸਾਰ ਪਾਕਿਸਤਾਨ ਕ੍ਰਿਕਟ ਬੋਰਡ (Pakistan Cricket Board) ਵਲੋਂ ਜੋ ਪਾਕਿਸਤਾਨ ਦੀ ਹੀ ਕ੍ਰਿਕਟ ਟੀਮ ਦੇ ਖਿਡਾਰੀਆਂ ਵਿਰੁੱਧ ਇਕ ਅਹਿਮ ਤੇ ਵੱਡਾ ਕਦਮ ਚੁੱਕਿਆ ਗਿਆ ਹੈ ਉਹ ਹੈ ਟੀ-20 ਵਿਸ਼ਵ ਕੱਪ (T20 World Cup) ’ਚ ਖੇਡਣ ਵਾਲੀ ਪਾਕਿਸਤਾਨ ਟੀਮ ਤੇ ਉਸ ਵਲੋਂ ਖੇਡ ਦੌਰਾਨ ਕੀਤਾ ਗਿਆ ਖਰਾਬ ਪ੍ਰਦਰਸ਼ਨ। ਪੀ. ਕੇ. ਬੀ. ਵਲੋਂ ਉਪਰੋਕਤ ਟੀਮ ਨੂੰ ਖਰਾਬ ਪ੍ਰਦਰਸ਼ਨ ਦੇ ਚਲਦਿਆਂ ਟੀ-20 ਵਿਸ਼ਵ ਕੱਪ ਖੇਡਣ ਵਾਲੀ ਟੀਮ ਦੇ ਖਿਡਾਰੀਆਂ ’ਤੇ 50-50 ਲੱਖ ਰੁਪਏ ਦਾ ਜੁਰਮਾਨਾ (Fine) ਲਗਾਇਆ ਗਿਆ ਹੈ । ਬੋਰਡ ਅਧਿਕਾਰੀਆਂ ਨੇ ਸਪੱਸ਼ਟ ਕਰ ਦਿੱਤਾ ਹੈ ਕਿ ਹੁਣ ਖਿਡਾਰੀਆਂ ਨੂੰ ਚੰਗੇ ਪ੍ਰਦਰਸ਼ਨ ਦੇ ਆਧਾਰ `ਤੇ ਹੀ ਵਿੱਤੀ ਲਾਭ ਮਿਲੇਗਾ ।
ਕੀ ਆਖਿਆ ਪਾਕਿਸਤਾਨ ਕ੍ਰਿਕਟ ਬੋਰਡ ਨੇ
ਪਾਕਿਸਤਾਨੀ ਫੈਨਜ਼ ਦੇ ਨਾਲ-ਨਾਲ ਬੋਰਡ ਅਧਿਕਾਰੀ ਵੀ ਟੀਮ ਦੇ ਪ੍ਰਦਰਸ਼ਨ ਤੋਂ ਨਾਰਾਜ਼ ਹੈ । ਭਾਰਤ ਖਿ਼ਲਾਫ਼ ਮੈਚ ਹਾਰਨ ਤੋਂ ਬਾਅਦ ਹੀ ਹਰ ਪਾਕਿਸਤਾਨੀ ਖਿਡਾਰੀਆਂ ’ਤੇ 50 ਲੱਖ ਰੁਪਏ ਦਾ ਜੁਰਮਾਨਾ ਲਗਾ ਦਿੱਤਾ ਗਿਆ ਸੀ । ਪਾਕਿਸਤਾਨ ਕ੍ਰਿਕਟ ਬੋਰਡ ਨੇ ਕਿਹਾ ਕਿ ਜੇਕਰ ਚੰਗੇ ਪ੍ਰਦਰਸ਼ਨ ਲਈ ਖਿਡਾਰੀਆਂ ਨੂੰ ਇਨਾਮ ਦਿੱਤਾ ਜਾ ਸਕਦਾ ਹੈ ਤਾਂ ਖ਼ਰਾਬ ਪ੍ਰਦਰਸ਼ਨ ’ਤੇ ਸਜ਼ਾ ਵੀ ਮਿਲੇਗੀ। ਭਾਰਤ ਤੋਂ ਮੈਚ ਹਾਰਨ ਤੋਂ ਬਾਅਦ ਟੀਮ ਨੂੰ ਇਹ ਫ਼ੈਸਲਾ ਸੁਣਾ ਦਿੱਤਾ ਗਿਆ ਸੀ ।
ਕਿੰਨੀ ਤਨਖਾਹ ਮਿਲਦੀ ਹੈ ਪਾਕਿਸਤਾਨੀ ਰਾਸ਼ਟਰੀ ਟੀਮ ਦੇ ਖਿਡਾਰੀ ਨੂੰ
ਜਿਕਰਯੋਗ ਹੈ ਕਿ ਪਾਕਿਸਤਾਨ ਵਿੱਚ ਰਾਸ਼ਟਰੀ ਟੀਮ ਦੇ ਖਿਡਾਰੀਆਂ ਨੂੰ ਚਾਰ ਸ਼੍ਰੇਣੀਆਂ ਵਿੱਚ ਤਨਖਾਹ ਮਿਲਦੀ ਹੈ । ਏ-ਸ਼੍ਰੇਣੀ ਦੇ ਖਿਡਾਰੀਆਂ ਨੂੰ 65 ਲੱਖ ਰੁਪਏ, ਬੀ-ਸ਼੍ਰੇਣੀ ਦੇ ਖਿਡਾਰੀ ਨੂੰ 45 ਲੱਖ ਰੁਪਏ, ਸੀ-ਸ਼੍ਰੇਣੀ ਦੇ ਖਿਡਾਰੀ ਨੂੰ 20 ਲੱਖ ਰੁਪਏ ਤੇ ਡੀ-ਸ਼੍ਰੇਣੀ ਦੇ ਖਿਡਾਰੀ ਨੂੰ 12.50 ਲੱਖ ਰੁਪਏ ਹਰ ਮਹੀਨੇ ਤਨਖਾਹ ਮਿਲਦੀ ਹੈ ।
