ਮੋਹਾਲੀ, 3 ਮਾਰਚ 2026 : ਪਟਿਆਲਾ ਵਿਖੇ 13-14 ਮਈ ਦੀ ਦਰਮਿਆਨੀ ਰਾਤ ਵਾਪਰੇ ਕਰਨਲ ਬਾਠ (Colonel Bath) ਕੁੱਟਮਾਰ ਮਾਮਲੇ ਵਿਚ ਅੱਜ ਪੇਸ਼ੀ ਦੌਰਾਨ ਕੋਰਟ ਨੇ ਇਕ ਅਹਿਮ ਹੁਕਮ ਜਾਰੀ ਕੀਤਾ ।
ਕੀ ਹੁਕਮ ਜਾਰੀ ਕੀਤਾ ਗਿਆ ਹੈ ਕੋਰਟ ਵਲੋਂ
ਕਰਨਲ ਪੁਸ਼ਪਿੰਦਰ ਬਾਠ ਤੇ ਉਨ੍ਹਾਂ ਦੇ ਪੁੱਤਰ ਦੀ ਕੁੱਟਮਾਰ (Beating) ਦੇ ਮਾਮਲੇ ਵਿਚ ਅੱਜ ਪੇਸ਼ੀ ਦੌਰਾਨ ਮਾਨਯੋਗ ਕੋਰਟ ਨੇ ਹੁਕਮ ਜਾਰੀ ਕੀਤਾ ਹੈ ਕਿ ਜਿਥੇ ਪੁਲਸ ਮੁਲਾਜਮਾਂ ਵਿਚੋਂ ਕੋਈ ਵੀ ਪੁਲਸ ਮੁਲਾਜਮ ਬਾਹਰ ਨਹੀਂ ਜਾ ਸਕੇਗਾ ਦੇ ਚਲਦਿਆਂ ਉਨ੍ਹਾਂ ਦੇ ਪਾਸਪੋਰਟ (Passport) ਵੀ ਆਪਣੇ ਕੋਲ ਰੱਖਣ ਦਾ ਹੁਕਮ ਦਿੱਤਾ ਹੈ ।
ਹੋਰ ਕੀ ਕੀ ਹੁਕਮ ਦਿੱਤਾ ਗਿਆ ਹੈ ਕੋਰਟ ਵਲੋਂ
ਜਾਣਕਾਰੀ ਮੁਤਾਬਕ ਕੋਰਟ ਵਲੋਂ ਆਖਿਆ ਗਿਆ ਹੈ ਕਿ ਜਿੰਨੀਆਂ ਵੀ ਪੇਸ਼ੀਆਂ ਹੋਣਗੀਆਂ ਪੁਲਸ ਮੁਲਾਜਮਾਂ (Police officers) ਨੂੰ ਉਹਨਾਂ ਉੱਪਰ ਲਾਜ਼ਮੀ ਹਾਜ਼ਰ ਹੋਣਾ ਪਵੇਗਾ । ਜੇਕਰ ਹਾਜ਼ਰ ਨਹੀਂ ਹੁੰਦੇ ਤਾਂ ਡੀ. ਜੀ. ਪੀ. ਪੰਜਾਬ ਜਾਂ ਉੱਚ ਅਧਿਕਾਰੀਆਂ ਨੂੰ ਇਸ ਦਾ ਕਾਰਨ ਦੱਸੋ ਨੋਟਿਸ ਦੇਣਾ ਪਵੇਗਾ ਕਿ ਇਨ੍ਹਾਂ ਚਾਰ ਮੁਲਾਜ਼ਮਾਂ ਵਿੱਚੋਂ ਕੋਈ ਵੀ ਵਿਅਕਤੀ ਹਾਜ਼ਰ ਕਿਉਂ ਨਹੀਂ ਹੋ ਸਕਿਆ । ਇਸ ਮਾਮਲੇ ਤਹਿਤ ਅਗਲੀ ਸੁਣਵਾਈ ਛੇ ਮਾਰਚ ਦੱਸੀ ਜਾ ਰਹੀ ਹੈ ।