ਨਵੀਂ ਦਿੱਲੀ, 21 ਮਈ 2026 : ਭਾਰਤ ਦੇਸ਼ ਦੀ ਕ੍ਰਿਕਟ ਟੀਮ ਦੇ ਸਾਬਕਾ ਕਪਤਾਨ (Former captain) ਅਨਿਲ ਕੁੰਬਲੇ ਦਾ ਮੰਨਣਾ ਹੈ ਕਿ ਗੇਲ ਦਾ ਰਿਕਾਰਡ ਤੋੜ ਕੇ ਸੂਰਯਵੰਸ਼ੀ (Suryavanshi) ਇਕ ਇਤਿਹਾਸ ਰਚ ਸਕਦਾ ਹੈ ।
ਕੀ ਮੰਨਣਾ ਹੈ ਅਨਿਲ ਕੁੰਬਲੇ ਦਾ
ਭਾਰਤ ਦੇ ਸਾਬਕਾ ਕਪਤਾਨ ਅਨਿਲ ਕੁੰਬਲੇ (Anil Kumble) ਦਾ ਮੰਨਣਾ ਹੈ ਕਿ ਨੌਜਵਾਨ ਸਨਸਨੀ ਵੈਭਵ ਸੂਰਯਵੰਸ਼ੀ (Vaibhav Suryavanshi) ਦੀ ਬੱਲੇਬਾਜ਼ੀ ਦੀ ਰੇਂਜ ਤੇ ਸੁਭਾਅ ਉਸ ਨੂੰ ਹੋਰਨਾਂ ਬੱਲੇਬਾਜ਼ਾਂ ਤੋਂ ਅਲੱਗ ਕਰਦਾ ਹੈ ਤੇ ਉਹ ਆਈ. ਪੀ. ਐੱਲ. ਦੇ ਇਕ ਸੈਸ਼ਨ `ਚ ਜ਼ਿਆਦਾਤਰ ਛੱਕੇ ਲਗਾਉਣ ਦਾ ਕ੍ਰਿਸ ਗੇਲ ਦਾ ਰਿਕਾਰਡ ਤੋੜ ਸਕਦਾ ਹੈ । ਸੂਰਯਵੰਸ਼ੀ ਆਈ. ਪੀ. ਐੱਲ. ਦੇ ਮੌਜੂਦਾ ਸੈਸ਼ਨ `ਚ ਹੁਣ ਤੱਕ 53 ਛੱਕੇ ਲਾ ਚੁੱਕਾ ਹੈ ਤੇ ਗੇਲ ਦੇ 2012 `ਚ ਲਗਾਏ ਗਏ 59 ਛੱਕਿਆਂ ਦੇ ਰਿਕਾਰਡ ਦੀ ਬਰਾਬਰੀ ਕਰਨ ਤੋਂ ਸਿਰਫ 6 ਛੱਕੇ ਦੂਰ ਹੈ ।
ਇਸ 15 ਸਾਲਾ ਬੱਲੇਬਾਜ਼ ਨੇ ਬੁੱਧਵਾਰ ਨੂੰ ਰਾਜਸਥਾਨ ਰਾਇਲਜ਼ ਵੱਲੋਂ ਲਖਨਊ ਸੁਪਰ ਜਾਇੰਟਸ ਵਿਰੁੱਧ 38 ਗੇਂਦ `ਚ 93 ਦੌੜਾਂ ਦੀ ਤੂਫਾਨੀ ਪਾਰੀ ਖੇਡੀ, ਜਿਸ `ਚ 10 ਛੱਕੇ ਤੇ 7 ਚੌਕੇ ਸ਼ਾਮਲ ਸੀ। ਇਸ ਤੂਫਾਨੀ ਪਾਰੀ ਦੀ ਬਦੌਲਤ ਉਸ ਦੀ ਟੀਮ ਨੇ 221 ਦੌੜਾਂ ਦੇ ਚੁਣੌਤੀਪੂਰਨ ਟੀਚੇ ਦਾ ਪਿੱਛਾ ਕਰਦੇ ਹੋਏ 7. ਵਿਕਟਾਂ ਨਾਲ ਆਸਾਨ ਜਿੱਤ ਹਾਸਲ ਕੀਤੀ ।
ਆਈ. ਪੀ. ਐੱਲ. ਸੈਸ਼ਨ `ਚ ਅਜੇ ਤੱਕ ਹੀ 53 ਛੱਕੇ ਲਗਾ ਦਿੱਤੇ ਹਨ
ਕੁੰਬਲੇ ਨੇ ਕਿਹਾ ਕਿ ਉਸ ਨੇ ਇਸ ਆਈ. ਪੀ. ਐੱਲ. ਸੈਸ਼ਨ (I. P. L. Session) `ਚ ਅਜੇ ਤੱਕ ਹੀ 53 ਛੱਕੇ ਲਗਾ ਦਿੱਤੇ ਹਨ। ਇਕ ਸੈਸ਼ਨ `ਚ ਸਭ ਤੋਂ ਜ਼ਿਆਦਾ ਛੱਕੇ ਲਗਾਉਣ ਦਾ ਰਿਕਾਰਡ ਕ੍ਰਿਸ ਗੇਲ ਦੇ ਨਾਂ ਹੈ, ਜਿਸ ਨੇ 59 ਛੱਕੇ ਲਗਾਏ ਹਨ । ਮੈਨੂੰ ਲੱਗਦਾ ਹੈ ਵੈਭਵ ਸੂਰਯਵੰਸ਼ੀ ਗੇਲ ਦਾ ਰਿਕਾਰਡ ਤੋੜ ਕੇ ਇਤਿਹਾਸ ਰਚ ਸਕਦਾ ਹੈ । ਉਸ ਨੇ ਕਿਹਾ ਕਿ ਬਹੁਤ ਘੱਟ ਬੱਲੇਬਾਜ਼ ਕਵਰ ਦੇ ਉੱਪਰੋਂ ਇੰਨੀ ਆਸਾਨੀ ਨਾਲ ਛੱਕੇ ਮਾਰ ਸਕਦੇ ਹਨ ਪਰ ਸੂਰਯਵੰਸ਼ੀ ਨੇ ਦਿਗਵੇਸ਼ ਰਾਠੀ ਵਿਰੁੱਧ ਕਈ ਵਾਰ ਅਜਿਹਾ ਕੀਤਾ । ਮੈਨੂੰ ਖੁਸ਼ੀ ਹੈ ਕਿ ਲੋਕਾਂ ਦੇ ਕੋਲ ਅਜੇ ਵੀ ਅਜਿਹੀ ਪ੍ਰਤਿਭਾ ਦਾ ਵਰਣਨ ਕਰਨ ਲਈ ਸ਼ਬਦ ਹਨ । ਮੇਰੇ ਕੋਲ ਤਾਂ ਸ਼ਬਦ ਘੱਟ ਪੈਂਦੇ ਜਾ ਰਹੇ ਹਨ। ਇਹ ਮੁੰਡਾ ਬਹੁਤ ਖਾਸ ਹੈ । ਉਹ ਇੰਨੀ ਛੋਟੀ ਉਮਰ `ਚ ਵੀ ਪੂਰੀ ਪਰਿਪੱਕਤਾ ਦਿਖਾਉਂਦਾ ਹੈ ।
