ਉਤਰ ਪ੍ਰਦੇਸ਼, 29 ਜੁਲਾਈ 2026 : ਭਾਰਤ ਦੇਸ਼ ਦੇ ਸੂਬੇ ਉਤਰ ਪ੍ਰਦੇਸ਼ (Uttar Pradesh) ਦੇ ਸ਼ਹਿਰ ਗਾਜੀਆਬਾਦ ਵਿਖੇ ਇਕ ਟਰੱਕ ਤੇ ਪਿਕਅਪ (Truck and pickup) ਦੀ ਜ਼ਬਰਦਸਤ ਟੱਕਰ ਹੋ ਜਾਣ ਦਾ ਘਟਨਾਕ੍ਰਮ ਵਾਪਰਿਆ ਹੈੈ ।
ਕਿੰਨਿਆਂ ਦੀ ਹੋਈ ਮੌਤ ਤੇ ਕਿੰਨੇ ਹੋਏ ਜਖਮੀ
ਮਿਲੀ ਜਾਣਕਾਰੀ ਅਨੁਸਾਰ ਗਾਜੀਆਬਾਦ (Ghaziabad) ਵਿਖੇ ਜੋ ਇਕ ਬੁਲੈਰੋ ਪਿਅਕਪ ਤੇ ਟਰੱਕ ਵਿਚ ਭਿਆਨਕ ਟੱਕਰ ਹੋਈ ਹੈ ਦੌਰਾਨ ਵਾਪਰੇ ਸੜਕ ਹਾਦਸੇ (Road accidents) ਵਿਚ ਜਿਥੇ ਤਿੰਨ ਲੋਕਾਂ ਦੀ ਮੌਤ ਹੋ ਗਈ ਹੈ, ਉਥੇ 13 ਵਿਅਕਤੀ ਗੰਭੀਰ ਜਖਮੀ ਹੋ ਗਏ ਹਨ । ਦੱਸਣਯੋਗ ਹੈ ਕਿ ਟਰੱਕ ਨਾਲ ਜਦੋਂ ਪਿਅਕਪ ਦੀ ਟੱਕਰ ਹੋਈ ਤਾਂ ਟਰੱਕ ਪਿਅਕਪ ਗੱਡੀ ਨੂੰ ਕਾਫੀ ਦੂਰ ਤੱਕ ਘਸੀੜਦਾ ਹੋਇਆ ਲੈ ਗਿਆ । ਜ਼ਖ਼ਮੀਆਂ (injured) ਵਿੱਚੋਂ ਇੱਕ ਨੂੰ ਗੰਭੀਰ ਹਾਲਤ ਕਾਰਨ ਦਿੱਲੀ ਦੇ ਜੀ. ਟੀ. ਬੀ. ਹਸਪਤਾਲ ਰੈਫਰ ਕਰ ਦਿੱਤਾ ਗਿਆ, ਜਦਕਿ ਬਾਕੀਆਂ ਨੂੰ ਕਮਿਊਨਿਟੀ ਹੈਲਥ ਸੈਂਟਰ ਵਿਖੇ ਇਲਾਜ ਤੋਂ ਬਾਅਦ ਘਰ ਭੇਜ ਦਿੱਤਾ ਗਿਆ ।
ਕੌਣ ਕੌਣ ਹਨ ਮ੍ਰਿ਼ਤਕ ਵਿਅਕਤੀ
ਉਪਰੋਕਤ ਵਾਪਰੇ ਸੜਕ ਹਾਦਸੇ ਵਿਚ ਜੋ ਤਿੰਨ ਲੋਕ ਮੌਤ (Death) ਦੇ ਘਾਟ ਉਤਰ ਗਏ ਵਿਚ ਮ੍ਰਿਤਕਾਂ ਦੀ ਪਛਾਣ ਰਮੇਸ਼ (22) ਪੁੱਤਰ ਛੋਟੇਲਾਲ, ਰਤਨ (23) ਪੁੱਤਰ ਭਜਨਲਾਲ ਅਤੇ ਸਰਜੀਤ (35) ਪੁੱਤਰ ਖੁਸ਼ੀਰਾਮ ਵਜੋਂ ਹੋਈ ਹੈ । ਇਹ ਤਿੰਨੋਂ ਰਾਜਸਥਾਨ ਦੇ ਅਲਵਰ ਜਿ਼ਲ੍ਹੇ ਦੇ ਤਿਜਾਰਾ ਥਾਣਾ ਖੇਤਰ ਵਿੱਚ ਸਥਿਤ ਕਾਲਗਾਓਂ ਦੇ ਵਸਨੀਕ ਸਨ।
