ਵਾਸਿ਼ੰਗਟਨ, 30 ਜੁਲਾਈ 2026 : ਅਮਰੀਕੀ ਫੈਡਰਲ ਜਾਂਚ ਏਜੰਸੀ (US Federal Investigation Agency) ਨੇ ਭਾਰਤੀ ਮੂਲ ਦੇ ਹਰਮਨਵੀਰ ਸਿੰਘ ਨੂੰ ਆਪਣੀ ਮੋਸਟ ਵਾਂਟਿਡ ਸੂਚੀ ਵਿਚ ਸ਼ਾਮਲ ਕਰਦਿਆਂ ਉਸ ਖਿ਼ਲਾਫ਼ ਜਨਤਕ ਨੋਟਿਸ (Public Notice) ਜਾਰੀ ਕੀਤਾ ਹੈ ।
ਕੀ ਦੋਸ਼ ਲਗਾਇਆ ਗਿਆ ਏਜੰਸੀ ਵਲੋਂ
ਏਜੰਸੀ ਅਨੁਸਾਰ ਹਰਮਨਵੀਰ ਸਿੰਘ ਨਸ਼ੇ ਵਾਲੇ ਪਦਾਰਥਾਂ ਦੇ ਕੌਮਾਂਤਰੀ `ਸਮੱਗਲਿੰਗ ਨੈੱਟਵਰਕ (Smuggling network) ਨਾਲ ਜੁੜਿਆ ਹੋਇਆ ਹੈ ਅਤੇ ਉਸ ਦੀ ਭਾਲ ਕੀਤੀ ਜਾ ਰਹੀ ਹੈ । ਐੱਫ. ਬੀ. ਆਈ. ਮੁਤਾਬਕ ਹਰਮਨਵੀਰ ਸਿੰਘ (Harmanveer Singh) ਕੈਨੇਡਾ ਦੇ ਵੈਨਕੂਵਰ ਸਥਿਤ ਰਵਿੰਦਰ ਢਾਂਡਾ ਆਰਗੇਨਾਈਜ਼ਡ ਕ੍ਰਾਈਮ ਗਰੁੱਪ ਨਾਲ ਜੁੜਿਆ ਹੋਇਆ ਸੀ । ਜਾਂਚ ਏਜੰਸੀ ਦਾ ਦੋਸ਼ ਹੈ ਕਿ ਇਹ ਗਿਰੋਹ ਅਮਰੀਕਾ, ਕੈਨੇਡਾ ਤੇ ਮੈਕਸੀਕੋ ਵਿਚ ਸਰਗਰਮ ਡਰੱਗ ਸਮੱਗਲਿੰਗ ਨੈੱਟਵਰਕ ਲਈ ਵੱਡੀ ਮਾਤਰਾ ਵਿਚ ਕੋਕੀਨ ਤੇ `ਮੈਥਾਮਫੈਟਾਮਾਈਲ ਦੀ ਸਮੱਗਲਿੰਗ ਕਰਦਾ ਸੀ ।
