ਨਵੀਂ ਦਿੱਲੀ, 10 ਅਗਸਤ 2026 : ਇੰਗਲੈਂਡ ਵਨ ਡੇ ਕੱਪ (England One Day Cup) ‘ਚ ਹੈਂਪਸ਼ਾਇਰ ਦੇ 24 ਸਾਲਾ ਬੱਲੇਬਾਜ਼ ਟੋਬੀ ਐਲਬਰਟ ਵਲੋਂ ਲਗਾਤਾਰ ਛੇ ਗੇਂਦਾਂ ‘ਚ ਛੇ ਛੱਕੇ ਜੜ ਦਿੱਤੇ ਗਏ ਹਨ ।
ਪਹਿਲਾਂ ਇਕ ਓਵਰ ਵਿਚ ਦੋ ਤੇ ਫਿਰ ਅਗਲੇ ਓਵਰ ਵਿਚ ਚਾਰ ਛੱਕੇ ਮਾਰ ਗਏ
ਟੋਬੀ ਐਲਬਰਟ (Toby Albert) ਨੇ ਆਪਣੇ ਪਹਿਲੇ ਓਵਰ ‘ਚ ਦੋ ਛੱਕੇ ਮਾਰੇ । ਫਿਰ ਉਨ੍ਹਾਂ ਨੇ ਅਗਲੇ ਓਵਰ ‘ਚ ਲਗਾਤਾਰ ਚਾਰ ਛੱਕੇ ਮਾਰੇ । ਐਲਬਰਟ ਦੀ ਪਾਰੀ ਦੀ ਬਦੌਲਤ, ਹੈਂਪਸ਼ਾਇਰ ਨੇ 383/9 ਦਾ ਸਕੋਰ ਬਣਾਇਆ । ਜਵਾਬ ਵਿਚ ਸਸੇਕਸ 332 ਦੌੜਾਂ ‘ਤੇ ਆਲ ਆਊਟ ਹੋ ਗਿਆ । ਹੈਂਪਸ਼ਾਇਰ ਨੇ ਮੈਚ 51 ਦੌੜਾਂ ਨਾਲ ਜਿੱਤ ਲਿਆ । ਜਦੋਂ ਐਲਬਰਟ ਬੱਲੇਬਾਜ਼ੀ ਕਰਨ ਆਇਆ, ਤਾਂ ਹੈਂਪਸ਼ਾਇਰ ਦਾ ਸਕੋਰ ਪਹਿਲਾਂ ਹੀ 200 ਨੂੰ ਪਾਰ ਕਰ ਗਿਆ ਸੀ । ਉਨ੍ਹਾਂ ਨੇ ਆਉਂਦੇ ਹੀ ਆਪਣੀ ਦੌੜਾਂ ਬਣਾਉਣ ਦੀ ਗਤੀ ਤੇਜ਼ ਕਰ ਦਿੱਤੀ । ਸਸੇਕਸ ਦਾ ਨੈਨਟੇਸ ਓਸਥੁਇਜ਼ੇਨ ਗੇਂਦਬਾਜ਼ੀ ਕਰ ਰਿਹਾ ਸੀ । ਐਲਬਰਟ ਨੇ ਆਪਣੇ ਓਵਰ ‘ਚ ਲਗਾਤਾਰ ਦੋ ਛੱਕੇ ਮਾਰੇ । ਫਿਰ ਓਲੀ ਕਰਟਲੀ ਨੇ ਅਗਲਾ ਓਵਰ ਸੁੱਟਿਆ । ਐਲਬਰਟ ਨੇ ਲਗਾਤਾਰ ਚਾਰ ਗੇਂਦਾਂ ‘ਚ ਚਾਰ ਛੱਕੇ ਮਾਰੇ ।
ਕਿਸ ਕਾਰਨ ਇਸਨੂੰ ਛੇ ਛੱਕਿਆਂ ਦਾ ਰਿਕਾਰਡ ਨਹੀਂ ਮੰਨਿਆਂ ਜਾਵੇਗਾ
ਹਾਲਾਂਕਿ ਇਹਨਾਂ ਛੱਕਿਆਂ ਨੂੰ ਇੱਕ ਓਵਰ ‘ਚ ਛੇ ਛੱਕਿਆਂ ਦਾ ਰਿਕਾਰਡ ਨਹੀਂ ਮੰਨਿਆ ਜਾਵੇਗਾ ਕਿਉਂਕਿ ਇਹ ਦੋ ਵੱਖ-ਵੱਖ ਓਵਰਾਂ ‘ਚ ਆਏ ਸਨ । ਐਲਬਰਟ ਨੇ 37 ਗੇਂਦਾਂ ‘ਤੇ 86 ਦੌੜਾਂ ਬਣਾਈਆਂ, ਜਿਸ ‘ਚ 5 ਚੌਕੇ ਅਤੇ 8 ਛੱਕੇ ਲੱਗੇ । ਉਸਦਾ ਸਟ੍ਰਾਈਕ ਰੇਟ 232 ਸੀ । ਐਲਬਰਟ ਨੂੰ 21 ਦੌੜਾਂ ‘ਤੇ ਜੀਵਨਦਾਨ ਵੀ ਮਿਲਿਆ ।
ਹੈਂਪਸਾਇਰ ਨੇ ਕਿੰਨੇ ਓਵਰਾਂ ਵਿਚ ਕਿੰਨੀਆਂ ਦੌੜਾਂ ਬਣਾਈਆਂ
ਹੈਂਪਸ਼ਾਇਰ ਨੇ 189 ਗੇਂਦਾਂ ‘ਤੇ 200 ਦੌੜਾਂ ਪੂਰੀਆਂ ਕੀਤੀਆਂ। ਐਲਬਰਟ ਤੋਂ ਬਾਅਦ, ਐਡੀ ਜੈਕ ਨੇ 5 ਗੇਂਦਾਂ ‘ਤੇ 20 ਦੌੜਾਂ ਬਣਾਈਆਂ, ਇੱਕ ਛੱਕਾ ਵੀ ਮਾਰਿਆ । ਹੈਂਪਸ਼ਾਇਰ ਨੇ 50 ਓਵਰਾਂ ‘ਚ 383/9 ਦੌੜਾਂ (Runs) ਬਣਾਈਆਂ । ਸਸੇਕਸ ਫਿਰ 332 ਦੌੜਾਂ ‘ਤੇ ਆਲ ਆਊਟ ਹੋ ਗਿਆ । ਹੈਂਪਸ਼ਾਇਰ (Hampshire) ਨੇ ਮੈਚ 51 ਦੌੜਾਂ ਨਾਲ ਜਿੱਤਿਆ । ਇਹ ਲਿਸਟ ਏ ਕ੍ਰਿਕਟ ‘ਚ ਹੈਂਪਸ਼ਾਇਰ ਦਾ ਦੂਜਾ ਸਭ ਤੋਂ ਵੱਡਾ ਸਕੋਰ ਹੈ । ਟੀਮ ਦਾ ਸਭ ਤੋਂ ਵੱਡਾ ਸਕੋਰ 396/5 ਹੈ, ਜੋ ਕਿ 2022 ‘ਚ ਕੈਂਟ ਵਿਰੁੱਧ ਬਣਾਇਆ ਗਿਆ ਸੀ ।
