ਨਵੀਂ ਦਿੱਲੀ, 14 ਜੁਲਾਈ 2026 : ਪੰਜਾਬ ਦੇ ਸ਼ਹਿਰ ਫਿਰੋਜ਼ਪੁਰ ਤੋਂ ਪੰਜਾਬੀ ਰੈਸਲਰ ਅਮਨਪ੍ਰੀਤ (Wrestler Amanpreet) ਸੇਰਾ ਵਲੋਂ ਹੈਵੀਵੇਟ ਚੈਂਪੀਅਨ ਜੈਕ ਹੇਜਰ ਨੂੰ ਥੱਪੜ ਮਾਰ ਕੇ ਬੇਹੋਸ਼ ਕਰ ਦਿੱਤੇ ਜਾਣ ਦਾ ਸਮਾਚਾਰ ਹੈ ।
ਕਿਸ ਮੁਕਾਬਲੇ ਦੌਰਾਨ ਹੋਇਆ ਅਜਿਹਾ
ਮਿਲੀ ਜਾਣਕਾਰੀ ਅਨੁਸਾਰ ਜਿਸ ਪੰਜਾਬੀ ਰੈਸਲਰ ਅਮਨਪ੍ਰੀਤ ਸਿੰਘ ਸ਼ੇਰਾਂ ਨੇ ਪਾਵਰ ਸਾਬਕਾ ਵਰਲਡ ਹੈਵੀਵੇਟ ਚੈਂਪੀਅਨ ਜੈਕ ਹੇਜਰ (Jack Hedger) ਨੂੰ ਥੱਪੜ ਮਾਰ ਕੇ ਬੇਹੋਸ਼ ਕਰ ਦਿੱਤਾ ਹੈ ਇਹ ਪਾਵਰ ਸਲੈਪ ਕੰਪਟੀਸ਼ਨ (Power Slap Competition) ਜਿਸਨੂੰ ਥੱਪੜ ਮਾਰਨ ਵਾਲੇ ਮੁਕਾਬਲੇ ਦੇ ਨਾਮ ਨਾਲ ਜਾਣਿਆਂ ਜਾਂਦਾ ਹੈ ਦੇ ਦੌਰਾਨ ਹੋਇਆ । ਦੱਸਣਯੋਗ ਹੈ ਕਿ ਜੈਕ ਹੇਜਰ ਪਹਿਲੇ ਦੋ ਰਾਊਂਡਾਂ ਵਿੱਚ ਅੱਗੇ ਚੱਲ ਰਹੇ ਸਨ ਪਰ ਤੀਜੇ ਰਾਊਂਡ ਵਿੱਚ ਸ਼ੇਰਾ ਦੇ ਇੱਕ ਜ਼ੋਰਦਾਰ ਥੱਪੜ ਨੇ ਉਨ੍ਹਾਂ ਨੂੰ ਨਾਕਆਊਟ ਕਰ ਦਿੱਤਾ ।
ਹੇਜਰ ਨੂੰ ਕਰਨਾ ਪਿਆ ਹੈ ਪਹਿਲੀ ਨਾਕਆਉਟ ਹਾਰ ਦਾ ਸਾਹਮਣਾ
ਉਪਰੋਕਤ ਮੁਕਾਬਲਾ ਜਿੱਤਣ ਤੋਂ ਬਾਅਦ ਪੰਜਾਬੀ ਰੈਸਲਰ ਅਮਨਪ੍ਰੀਤ ਸਿੰਘ ਵਲੋਂ ਸਟੇਜ਼ ‘ਤੇ ਹੀ ਜਿਥੇ ਆਪਣੀ ਟੀ-ਸ਼ਰਟ ਉਤਾਰ ਕੇ ਜਸ਼ਨ ਮਨਾਇਆ ਗਿਆ, ਉਥੇ ਹੀ ਦੂਸਰੇ ਪਾਸੇ ਇਸ ਦੌਰਾਨ ਬੇਹੋਸ਼ ਹੋਏ ਜੈਕ ਹੇਜਰ ਦੀ ਇਹ ਹਾਰ ਆਪਣੇ ਕਰੀਅਰ ਦੀ ਪਹਿਲੀ ਨਾਕਆਉਟ ਹਾਰ ਮੰਨੀ ਜਾ ਰਹੀ ਹੈ, ਜਿਸ ਦਾ ਅੱਜ ਉਨ੍ਹਾਂ ਨੂੰ ਸਾਹਮਣਾ ਕਰਨਾ ਪਿਆ ।
ਕਦੋਂ ਹੋਇਆ ਸੀ ਇਹ ਮੁਕਾਬਲਾ
ਜਾਣਕਾਰੀ ਮੁਤਾਬਕ ਪਾਵਰ ਸਲੈਪ 21 ਦਾ ਇਹ ਮੁਕਾਬਲਾ 10 ਜੁਲਾਈ 2026 ਨੂੰ ਲਾਸ ਵੇਗਾਸ ਵਿੱਚ ਹੋਇਆ । ਅਮਨਪ੍ਰੀਤ ਸਿੰਘ ਇਸ ਤੋਂ ਪਹਿਲਾਂ ਟੀ. ਐਨ. ਏ. ਰੈਸਲਿੰਗ, ਡਬਲਿਊ. ਡਬਲਿਊ. ਈ. ਐਨ. ਐਕਸ. ਟੀ. ਅਤੇ ਓ. ਵੀ. ਡਬਲਿਊ. ਹੈਵੀਵੇਟ ਵਿੱਚ ਖੇਡ ਚੁੱਕੇ ਹਨ । ਜਾਣਕਾਰਾਂ ਮੁਤਾਬਕ ਉਹ ਰਿੰਗ ਵਿੱਚ `ਮਹਾਬਲੀ ਸ਼ੇਰਾ` ਦੇ ਨਾਂ ਨਾਲ ਮਸ਼ਹੂਰ ਹਨ ।
